وسط أجواء الفرحة بتأهل منتخب مصر، عبّر محمد إمام عن سعادته الكبيرة بالإنجاز، متحدثًا بحماس عن دعمه للكابتن حسام حسن، كما كشف في الوقت نفسه كواليس البوستر الذي أثار تفاعلًا واسعًا لفيلم صقر وكناريا.
محمد إمام يكشف لـ ET بالعربي كواليس البوستر الذي جمع حسام حسن و إبراهيم حسن أمام الأهرامات
"كنت من أول المطالبين بحسام حسن"
في حديثه، أكد محمد إمام أنه سعيد بما حققه منتخب مصر، مشيدًا بالدور الذي لعبه المدير الفني حسام حسن، وقال: "بحيّي المنتخب، مصر فرحنا جدًا. كابتن حسام حسن بحبه جدًا جدًا بصراحة، وأنا كنت من الناس اللي دايمًا بتطالب إن حسام حسن هو اللي ييجي يمسك المنتخب بجد، وحتى كل اللي حواليا عارفين كده. ده عمل إنجاز تاريخي في الكورة المصرية، وبتمنى لهم كل التوفيق."
ولم يقتصر إشادته على المدير الفني فقط، بل خصّ أيضًا محمد صلاح وبقية اللاعبين بكلمات تقدير، مضيفًا: "النجم الكبير محمد صلاح اللي فرح المصريين كتير، وعمل لهم أمل، ومش عايز بس أميز، كل الفريق بصراحة، كلهم رجالة وأبطال، ويستحقوا اللي هم فيه دلوقتي."
بوستر حسام و إبراهيم لفيلم "صقر وكناريا"
وخلال اللقاء، سُئل محمد إمام عن فكرة البوستر الذي ظهر فيه حسام وإبراهيم على الآثار، والخاص بفيلم #صقر_وكناريا، ليكشف أن الفكرة جاءت من أحد متابعيه على مواقع التواصل الاجتماعي.
وقال: "حد بعتها لي، عجبتني جدًا. ما لقيتها قدامي كده، حد بعتها لي من الفانز. مش هقول بقى الفانز بتوعي ولا حاجة، بس هم حبايبي. بيعملوا لي كمية ديزاينات وحاجات، بجد أنا بشوفهم أحلى من البروفيشنال."
واستكمل حديثه مشيدًا بالمواهب الموجودة على السوشيال ميديا، قائلًا: "عندنا مواهب على السوشيال ميديا خطيرة. بيعملوا لي ساعات بوسترات، ساعات يعملوا لي بوستر يبقى أحلى من البوستر اللي إحنا عاملينه للفيلم نفسه."
