في لقاء لـ ET بالعربي معها، تحدثت دانا الحلاني عن حياتها الزوجية الجديدة بعد انتقالها إلى دبي للاستقرار مع زوجها آلان، كما كشفت تفاصيل التحضيرات السريعة لزفافها الذي جهزته بالكامل خلال ثلاثة أسابيع، وتطرقت أيضا إلى علاقتها بوالدها عاصي الحلاني ولحظات تأثرهما خلال ليلة الزفاف.
دانا الحلاني: "جربت قد ما فيي أنا وآلان نعمل شي بيشبهنا"
عن زفافها، قالت دانا الحلاني: "جربت قد ما فيي أنا وآلان نعمل شي بيشبهنا، والحمد لله كان كل شي مثل ما نحنا بدنا". وعن مدى استمتاعها بليلة الزفاف، أضافت: "كتير، يا ريت فيي أرجع أعيدها! كان كل شي إيموشنال. حتى بيي وإخواتي كلهم كانوا عم يدمعوا، خاصة بيي، كان كتير إيموشنال".
وتابعت عن شعورها في تلك اللحظات: "ليك، كتير كان إيموشنال. قدّ ما كنا مبسوطين، وقدّ ما بنفس الوقت ما بعرف شو بتحسي، شعور كتير غريب".
دانا الحلاني عن علاقتها بوالدها: "كتير قراب لبعض وعندنا نقطة ضعف لبعض"
وتحدثت دانا عن علاقتها الخاصة بوالدها عاصي الحلاني، قائلة: "أنا وبيي عن جد في بيناتنا علاقة هيك غير، غير إنه مثل بي وأخته، ما بعرف... كتير قراب لبعض، وكتير عندنا نقطة ضعف لبعض".
وأضافت: "فإيه، كان كتير مؤثر، وكل ما شوفه وأتطلع فيه هيك بغصّ كمان، بس بحس ما في شي رح يتغير، بس هيك بتكون اللحظة مؤثرة كتير".
دانا الحلاني تكشف: "كل العرس وكل شي تحضّر قبل 3 أسابيع"
وعن تحضيرات الزفاف، كشفت دانا أنها لم تحتج إلى فترة طويلة لإنجاز كل التفاصيل، وقالت: "رح تتفاجئي إذا بقول لك بس كل العرس وكل شي تحضّر قبل 3 أسابيع!"
وأضافت: "وحياتك!"
وعن سبب قدرتها على التحضير بهذه السرعة، أوضحت: "بسرعة إيه، هنيّة وعارفة حالي شو بدي. وبتصور إنه حتى لو قبل بسنة، بتكوني مقررة الركّ كله قبل بشهر".
وتابعت: "سو، يعني جربنا قد ما فينا. نحنا كنا مفكرين قبل بسبب الظروف وهيك، رجعنا قلنا بنأجل، ما بنأجل وهيك، سو خلص قلنا يلا All In، والحمد لله لحقنا وعملنا كل شي مثل ما نحنا بدنا".
دانا الحلاني تنتقل إلى دبي: "بدي استقر مع جوزي"
وعن حياتها الجديدة، كشفت دانا أنها انتقلت إلى دبي للاستقرار مع زوجها، وقالت: "إيه، هلا نقلت على دبي. وأنا بحب دبي كتير وبجيها من كتير زمان، بس هلا خلص، Fully، إنه بدي استقر يعني مع جوزي".
"زوجي محظوظ صراحة".. دانا الحلاني تتحدث عن حياتها الزوجية
وخلال الحوار، مازحتها المذيعة حول حظ زوجها في تناول الطعام الذي تحضّره، لترد دانا بعفوية: "كلهم هيك عم بيقولوا له، بس إيه، محظوظ صراحة! بشوف أصحابي المجوزين جديد، زواجهم دائماً بينقوا إنه ما عم تعمل لي شي وهيك، لا، محظوظ بتصور".
وعن تجربتها في الحياة الزوجية حتى الآن، قالت دانا: "ليك، لهلا كتير مبسوطة الحمد لله. يعني كتير بنحب بعض أنا وإياه، صارلنا فترة مع بعض ومبسوطين كتير".
وأضافت: "بيقولوا هلا Honeymoon Phase، فلنشوف Phase 2 شو راح تكون، بس إيه الحمد لله، All is well يعني".
