تحدث أمير صلاح الدين عن لقائه الأخير بداليا مبارك، معربًا عن إعجابه الكبير بها وبموهبتها، ورغبته في التعاون معها خلال الفترة المقبلة.
إعجاب كبير بداليا مبارك
وقال أمير صلاح الدين لـ ET بالعربي: "أنا من معجبي داليا مبارك من فترة طويلة، ولما لقيتها عاملة ري أكت على فيديوهات لين، الموضوع لفت انتباهي جدًا. أنا بحب شكلها وصوتها ولونها، وبالنسبة لي هي نموذج للنجومية بصراحة، وتستحق لقب حلو كمطربة وكشكل وكستايل".
مشروع مشترك مؤجل منذ عامين
وأضاف: "كان نفسي نتعاون أنا وهي من سنتين تقريبًا، وتواصلت معاها عن طريق إنستغرام، وبعدها لما ظهرت لين، داليا لفت انتباهها جدًا، واتكلمنا في مشروع مشترك".
حديث خاص عن فكرة الاعتزال
وعن لقائه الأخير بداليا مبارك، قال: "لما اتقابلنا اتكلمنا في فكرة الاعتزال، وإنها لازم ترجع، لأنها حالة خاصة، وشكلها جميل، وقد إيه هي نجمة ملهمة للأطفال وللستات السعوديات الفنانات، ولسان حال العالم العربي، وبتغني إنجليزي ولغات تانية، وهي فنانة جميلة ونموذجية".
وتابع: "هي متمسكة بالابتعاد، والابتعاد مثلًا مش اعتزال، وأنا أتمنى طبعًا إنها ترجع تاني إن شاء الله".
أمنية بالتعاون بعد العودة
واختتم أمير صلاح الدين حديثه قائلًا: "أتمنى إن رجوعها يكون معايا بشكل شخصي، أو مع لين، أو نعمل حاجة مع بعض. طبعًا دي حاجة جميلة لو حصلت، وإن شاء الله اللي ربنا عايزه يكون بإذن الله".
