فوجئ الجميع أمس بالصلح بين المخرج سامح عبدالعزيز و كاملة أبو ذكري بعدما خطط أصدقاء مشتركين بينهما لمقابلة لإنهاء الخلافات وظهرا وهما متعانقين في عدة صور وكأن لم يحدث أي خلاف سابق. وكان خلافهما قد بدأ بالتزامن مع تصوير وعرض مسلسل "زي الشمس" برمضان الماضي بعد ما حل مخرجا للمسلسل بعد إعتذار كاملة عن العمل، فكتب وقتها كل واحد منهم بوست على الفيس بوك ليهاجم الآخر و خاصة بعد تجاهل الشركة المنتجة وضع اسم كاملة على العمل فكتبت على الفيس بوك: "أبسطها يا محترم كنت ما تحطش اسمك على شغل أنت ما عملتوش لا اخترت الديكورات وكل أماكن التصوير حتى الحلقة الـ 30 تقريبا، ولا الممثلين من كبيرهم لصغيرهم ولا شكلهم ولا طريقة أدائهم ولا الألوان، ولا اشتغلت مع السيناريست بالساعات على الحلقات، كنت تحط إسمك علي شغلك يا محترم لما يبتدي فعلا، لا ده إنت كمان بتقول مبسوط أوى أن عاجبكم شغلي، أنا الحقيقه كنت مش عايزه أتكلم ، بس الفجر زاد عن حده".
ورد وقتها سامح عبد العزيز ببوست على الفيس بوك:كتب به: "قبضت نص فلوسك ورميت شغلك وعيالك وبعقد موثق في نقابة، أهم اتصرفوا، إندب بقى عشان ساعتين ونص من أصل 18 في 39 يوم، ودخلنا اللوكيشن بتاعك لقيناه كان كوافير حريمي كله نبر وغم، وياريت ظبطت إيقاع مشهد واحد في المونتاج، إحنا اللي بنظبطلك شغلك وبنتعامل معاه بمشرط جراح عشان نحافظ على اإقاعك ورجعت مونتير عشان شغلك أحافظ عليه لإني من المعجبين بشغلك ولازم أحافظ على وجهه نظرك بما أنك نطيت من المركب في عرض البحر، ومادام الأم هربت من البيت يبقي كان لازم يشوفوا أب بديل، وبلاش أنا عشان أنا لا مخرج و لا مرهف ولا حساس أنا وحش، وفي messages بينا بخصوص الموضوع دا احترمها لوسمحت، أنت أكبر مني سناً ولازلت أستاذ رغم أني مش هقول كام فيلم ومسلسل وكليب وبرامج وحفلات وقنوات ووثائقيات وجوائز بس إحنا صنايعية مصر، بنشتغل بس، ومش ناقص مجد أنا أصلاً قاعد مربع في التاريخ، دا عشان خاطر مشيش فقط، وكل ممثلينك بيحبوك عشان اخترتيهم، احترم شغلهم وبلاش شغل حرق الأحداث دا، كل دا عشان مشهد واحد عمل تريند والله ماكان قصدي، هو طلع مني مشهد حراق مش ذنبي فجر بقى مش عارفين نجيب حقك ولا نكتبلك شكر بسبب العقد اللي مضيتيه على نفسك".
