نشرت داليا البحيري بوست على حسابها الشخصي على الفيسبوك تطالب به الرئيس عبد الفتاح السيسي بالحظر الكامل لمواجهة كورونا وخاصة أن عدد كبير من المواطنين لم يلتزم بالحجر المنزلي و أنهم ملئوا الشوارع والميادين لشراء ملتزمات شهر رمضان، وقالت داليا أنها ملتزمة مع أسرتها منذ ما يقارب الــ36 يوم وقالت: "مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه، حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية، لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
وبعد البوست هوجمت داليا البحيري هجوم كبير على مواقع التواصل الإجتماعي بسبب جملة: "اللي هيقولي العمالة اليومية حديله بالشبشب على بقه" مما أعتبره البعض شخرية من العمال، لتوضح داليا بعدها الأمر في فيديو على حسابها، وقالت أن البوست كانت تقصد به أصدقائها فقط ووضحت الأمر أنها لم تقصد الإساءة للعمالة اليومية بل كانت تقصد المواطنين الذين ينزلوا في الشوارع من أجل المرح.
