في أجواء فنية مميزة، شهد مهرجان عفت السينمائي الدولي لأفلام الطلاب بمدينة جدة حضور أحمد حلمي، الذي حرص على مشاركة خبراته مع المواهب الشابة، مقدمًا لهم مجموعة من النصائح المهمة حول طريق النجاح في مجال السينما، وذلك خلال لقاء مع ET بالعربي.
وأكد حلمي على أهمية الدراسة الأكاديمية لصقل الموهبة، قائلًا: "عشان تطلع دكتور لازم تدرس طب، فا ادرس سينما ليه والموهبة مكتسبة وانا حاسس اني جوايا مخرج، لا طبعا الدراسة مهمة جدا، بتعلي الموهبة أكتر بتعرفك اكتر فدلوقتي اي حد حاسس انه عنده موهبة في حته معينة في السينما كل ما هيدرس كل هيصقل الموهبة دي اكتر، وكل ما هيمارس حاجات في الموهبة دي كل ما هيبقي عنده خبرة وكل ما هيكون خبرة هيكون عنده ثقل اكتر".
وعن علاقته بالمسرح، عبّر عن حبه الكبير له، مشيرًا إلى تجربته الأخيرة ضمن موسم الرياض، قائلاً: "انا خريج مسرح وبعشق المسرح وبحب المسرح لأن المسرح في دمي، والحركة المسرحية اللي اتعملت في السعودية برعاية هيئة الترفيه ومعالي المستشار تركي آل الشيخ، عملت ثراء كبير اوي في الحركة المسرحية عارف اللي هو روحي رجعتلي تاني عشان انا خريج مسرح فكانت مسرحية حلوة اوي بالنسبة ليا وان شاء الله مكملين يعني".
كما كشف حلمي عن كواليس غيابه عن السينما خلال السنوات الأربع الماضية، موضحًا أنه انتهى مؤخرًا من تصوير فيلم جديد يخضع حاليًا لمرحلة المونتاج، إلى جانب استعداده لبدء تصوير عمل آخر خلال أيام، في محاولة للحاق بموسم الصيف السينمائي.
تعاون يجمع أحمد حلمي ومنى زكي
وعن إمكانية تعاونه مع زوجته منى زكي، قال حلمي: "دايما بتسال سؤال عن اعمل فيلم انا ومني زكي نفسي نعمل كده فعلا واحتمال يكون في حاجة وكاتب كبير بيفكر فيها دلوقتي وهتظهر كده كمان شهرين تلاتة في احتمالية كبيرة.. وانا نفسي".
