بعد الجدل الذي أثير خلال الساعات الماضية بسبب المنافسة بين فيلمي "شمشون ودليلة" و"صقر وكناريا"، كشف الدكتور أشرف زكي، نقيب المهن التمثيلية، تدخله لإنهاء الأزمة بين أحمد العوضي ومحمد إمام.
وقال أشرف زكي لـET بالعربي أنه تواصل مع الطرفين وطلب منهما حذف المنشورات المتداولة، مؤكدًا أن ما قام به كان بدافع روح الأخوة والزمالة، وأن مثل هذه الأمور لا ينبغي أن تحدث بين زملاء المهنة.
ومن جانبه، كشف أحمد العوضي لـET تفاصيل التواصل، قائلًا: دكتور أشرف زكي تواصل معانا وطلب نحذف الفيديوهات، وهو أبونا، وحذفت البوست.
وجاءت هذه التصريحات بعد موجة من الجدل على مواقع التواصل الاجتماعي بسبب التنافس بين الفيلمين، قبل أن تنتهي الأزمة سريعًا بحذف المنشورات وطي الصفحة.
وكان قد قال أحمد العوضي في تصريحات خاصة لـET بالعربي إنه لا توجد أي خلافات بينه وبين محمد إمام، مؤكدًا: أنا مش مخاصم محمد إمام، محمد أخويا وزميلي ونجم كبير وبحترمه جدًا، وباركتله على فيلمه، عشان محدش يتخيل إن بيني وبينه صراع أو عداوة زي ما كانوا متخيلين في رمضان. إحنا بينا منافسة شريفة، والكلام مش موجه لمحمد، الكلام موجه للجهة اللي بتطلع الإيرادات.
وأضاف العوضي أنه يعتمد على الأرقام اللي بيشوفها على أرض الواقع، وقال: اللي ينزل ينزل.. إحنا بننزل الأرقام الحقيقية والدنيا كلها عارفة إن إحنا اللي متصدرين. 15 مليون جنيه في أول أسبوعين، إيه اللي بيقولوا عليه؟ ليه بعمل بوجي وطمطم؟ ده أنا لو بعمل بوجي وطمطم هجيب أكتر من كده.
واختتم العوضي كلامه بالتشكيك في بعض أرقام الإيرادات المعلنة، خاصة في أيام المباريات الجماهيرية، قائلًا: محمد إمام بينزل اللي بيجيله وأنا كمان بنزل اللي بيجيلي، وأنا برد على اللي بيجيله مش برد على محمد. مين دخل السينمات يوم ماتش مصر والأرجنتين ويوم ماتش مصر وأستراليا؟ الشوارع كانت متقفلة، ده يوم عيد؟ ده إيراد عيد الفطر.. وإزاي الفيلم يجيب 6 مليون جنيه في اليوم ده؟ الطبيعي إن الفيلم يبدأ عالي وبعد كده ينزل.
