بعد طرح البرومو الرسمي لفيلم ابن مين فيهم، كشف أبطال العمل، وعلى رأسهم بيومي فؤاد وليلى علوي لـ ET بالعربي، تفاصيل جديدة حول الفيلم وشخصياته، مؤكدين اختلافه عن الأعمال التقليدية.
وقال بيومي فؤاد: "أنا مش قلقان طبعًا من التكرار، لأن في دويتوهات نجحت في السينما المصرية من أيام الزمن الجميل، والجديد كمان إن إحنا مش بنعمل قصة شبه بعضها، حتى لو كان جزء تاني من حدوتة، بيبقى فكرة مختلفة خالص، حتى لو بنفس الكاست أو شركة الإنتاج أو المخرج".
وأضاف: "قعدت أتخيل شكل شخصية رشدي هيبقى عامل إزاي، واقترحت على المخرج نغير شكله، مش لازم يبقى شكله حلو عشان يوقع الستات وخلاص، ويبقى مختلف عن أعمالي السابقة، وكمان إزاي هيكون مقنع إنه يوقع الستات وهو في السن ده، الحقيقة أنا شايف رشدي مش رجل أعمال، ده راجل ورث فلوس وضيعها على جوازاته، ولما الفلوس خلصت فلس، لحد ما حصلت المفاجآت اللي في الأحداث".
من جانبها، قالت ليلى علوي: "المختلف في شخصيتي إنها مهتمة بقضايا المرأة، وممكن تتطوع في شغلها كمحامية عشان تجيب حق الزوجة أو الأولاد، لأنها حاسة بده جدًا كأم وامرأة، التحدي مش في الشخصية لأنها واقعية ولذيذة، على قد ما هي محامية حاسمة، لكنها كمان خفيفة الدم وملتزمة جدًا".
وتابعت: "أنا شايفة التحدي الحقيقي في المفاجآت اللي هيشوفها الجمهور، واللي مش متوقعها خلال الأحداث".
الإعلان التشويقي لفيلم ابن مين فيهم
وكشف الإعلان التشويقي عن بداية حكاية غير متوقعة، تنطلق بخبر صادم عن ثروة كبيرة تركتها عمة رشدي (بيومي فؤاد) له قبل وفاتها، لتفتح هذه المفاجأة الباب أمام سلسلة من المواقف الكوميدية المتشابكة. وبين مواجهة مع محامية صارمة تجسدها ليلى علوي، وسلسلة من اللقاءات غير المتوقعة خلال رحلته، يجد رشدي نفسه في مغامرة فوضوية مليئة بالأحداث ومع ظهور نساءٍ عدة من ماضي رشدي يبقى السؤال الأكبر معلّقًا: ابن مين فيهم؟.
تفاصيل فيلم ابن مين فيهم
أما البوستر التشويقي، فيجمع ليلى علوي وبيومي فؤاد وأحمد عصام السيد داخل سيارة كلاسيكية، في لحظة تعكس طابع المغامرة الكوميدية غير المتوقعة التي يحملها الفيلم، والعمل من تأليف لؤي السيد وإخراج هشام فتحي وهو من بطولة ليلى علوي وبيومي فؤاد وأحمد عصام السيد، ومجموعة كبيرة من ضيوف الشرف سيتم الإعلان عنهم قريبًا.
قصة فيلم ابن مين فيهم
تدور أحداث فيلم ابن مين فيهم " حول رشدي (بيومي فؤاد)، رجل أعمال مستهتر تنقلب حياته بعد وفاة عمته وتركها له ميراثًا ضخمًا… بشرط واحد: أن يعثر على ابنه من إحدى زيجاته العابرة.
وحينها تدخل حياته المحامية الصارمة ماجدة (ليلى علوي)، فيؤدي هذا الصدام بينهما إلى سلسلة من المواقف المعقدة والكوميدية في رحلتهما للبحث عن ابنه، ليستعرض الفيلم موضوعات مهمة مثل المسؤولية والعلاقات والروابط غير المتوقعة.
