بعد إنتشار شائعة تعرض تامر حسني لوعكة صحية يوم الخميس الماضي والتي نفاها فريقه والمقربين منه، شارك تامر حسني صور من كواليس فيلمه الجديد الذي بدأ تصويره مؤخرا والذي يحمل اسم "بحبك" وجمعته الصور بهنا الزاهد ومدحت تيخا والقائمين على الفيلم.
وكتب تامر حسني: "مساء الهنا على اغلى ناس على قلبي انادي صور من اول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً .. الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد".
وأضاف: "و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم و مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله و للأسف لسه مصورش علشان انزل صوره بس في اول يوم تصوير له ههريه صور و انتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله ، و فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي".
