علّق محمد فراج على حالة الجدل التي سبقت عرض فيلم "الست"، الذي يجسّد فيه شخصية الشاعر الكبير أحمد رامي، مؤكدًا أن طبيعة العمل وضخامة رموزه جعلت الترقّب أمرًا طبيعيًا.
وقال فراج لـ ET بالعربي عن ردود الفعل الأولى على الفيلم: "الحمد لله البرومو كسر الدنيا، وحالة الجدل اللي حصلت دي كانت شيء متوقَّع على فيلم مهم زي ده. منى زكي بتقدّم شخصية أم كلثوم، ومروان حامد اللي بيخرج، وأحمد مراد اللي بيكتب… فطبيعي جدًا يكون في حالة تراقب شديدة."
وأوضح فراج أنه يقدم إحدى أصعب الشخصيات في الفيلم، وهي شخصية الشاعر أحمد رامي، أحد أهم من كتب لكوكب الشرق، قائلاً:
"أنا بعمل شخصية الشاعر الكبير أحمد رامي… إحنا بنعمل فيلم فيه حدوتة وفيه شخصيات لحم ودم، وفيه إحساس وقيمة كبيرة قوي. مينفعش نحصر العمل في سؤال زي: عملتوا مكياج أحمد رامي إزاي؟".
وأضاف مؤكدًا أن التشابه الشكلي ليس معيارًا حقيقيًا في الأعمال السيرية:"على فكرة أنا مش مطالب كممثل إني أبقى شبهه أوي. ولو كده… روحوا هاتوا شخص يكون شبهه وبس. التمثيل مش كده، والقيمة مش كده."
وتطرق فراج إلى الهجوم الذي تعرضت له منى زكي بعد ظهور البرومو، ورفض وصفه بـ"الانتقادات"، قائلاً:"اللي حصل تجاه منى زكي مش اسمه انتقادات… اسمه حالة جدل. وفي النهاية الذي بين الممثل والجمهور هو عرض العمل نفسه. وأول ما الفيلم يتعرض، ساعتها بتظهر ردود الأفعال الحقيقية."
