تحدث نور النبوي عن تفاصيل فيلمه الجديد “كان يا ما كان”، والذي يجمعه بـ أشرف عبد الباقي و ياسمينا العبد.
وقال نور النبوي لـ ETبالعربي: "بعمل فيلم مقدرش أتكلم عليه كتير، عشان أستاذ أحمد بدوي يتكلم عليه المنتج الكبير، أنا مبسوط بالفيلم ده، إحنا قعدنا نشتغل عليه سنة ولسه مخلصين تصويره".
وأضاف: "الفيلم اتصور بالكامل في الأقصر، وده شيء مبسوط منه جدًا، لأنه بيورّي قد إيه معالم الأقصر جميلة، وكمان فيه قصة لطيفة".
وكشف عن التحدي الأكبر في العمل قائلًا: "قعدت 3 شهور أذاكر للفيلم، وأنا بتكلم فيه تقريبًا 4 لغات، منهم صعيدي وروسي وإسباني وفرنساوي".
واختتم حديثه: "هو فيلم طيب وفيه مشاعر حلوة، وكل واحد اشتغل فيه اشتغل بقلبه، فأتمنى يعجب الناس، ولو مش قلقان مبقاش فنان، بس أنا متفائل عشان عاملين حاجة حلوة".\
