حديث صريح لـ أحمد العوضي الذي حل ضيفاً على برنامج الراديو بيضحك مع فاطمة مصطفى، وكشف العديد من الأسرار عن حياته الشخصية، وحياته الفنية وتحديدًا مسلسل فهد البطل، الذي يعرض حالياً ضمن مسلسلات رمضان 2025.
في البداية، كشف أحمد العوضي عن استعداده للزواج بعد شهر رمضان، حيث قال: “أعيش حاليًا قصة حب ستصل إلى مرحلة الزواج بعد شهر رمضان أو بعد شهر ونصف.” وأكد أنه لن يكشف عن اسم العروس في الوقت الراهن، مشيرًا إلى أنه سيعلن عن هويتها بعد انتهاء الشهر.
كما رد أحمد العوضي على مقدمة رامز جلال، قائلًا: “رامز جايبني في أول حلقة من البرنامج عشان أنا أنجم ضيف عنده، والبرنامج ينجح ويجيب مشاهدات، ولو جاب حد تاني البرنامج مكنش هيجيب مشاهدات. ومش هركز على اللي هو قاله، وأنا مزعلتش عشان أخوه حبيبي ياسر جلال يُكرم.”
وعن مقارنته بـ محمد رمضان، علّق قائلًا: “أنا مبحبش أرد على أي نقد أو أي حاجة قبل ما المسلسل يتعرض، لأن الشغل دايمًا هو اللي بيرد. أصل فكرة أني أطلع أرد، ده معناه إنه بيغلط في شخصي، بس هو مبيغلطش في شخصي، هو بيشوف وجهة نظر سابقة. لكن أنت مشوفتش، أنت لما تشوف حامد الجارحي، راجل قوي بدنيًا وصوته غليظ، كلها حاجات بتتطبق على العبد لله. أنا مش عامل دور الأب كنمرة، لا، أنا عامله لحاجة معينة عشان أربطك بالواد، وخصوصًا إن دور الأب حلقتين كاملين، وإزاي أنت داخل تتفرج على مسلسل أحمد العوضي ومتلاقيش العوضي أول حلقتين إزاي؟ ده موضوع بيتعمل في العالم كله، وبيتعمل في مصر من زمان، وأستاذ نور الشريف كان بيعمله، ودي حاجة مش وحشة بدليل أنها نجحت.”
