تصدر إسم أحمد العوضي وياسمين عبدالعزيز الترند، وذلك بعد تصريحات العوضي عن علاقته بياسمين وتفاصيل تعارفهما، في برنامج "مع منى الشاذلي"، خلال الحلقة التي عرضت مساء أمس.
بدايةً أكد أحمد العوضي أن زواجه من ياسمين عبدالعزيز كان سرياً في الفترة الأولى، "إحنا كنا متفقين في الوقت اللي مضى إن محدش يعرف إنتا متجوزين، لإن كان من الممكن إن العلاقة في الأول تفشل ف ليه تتحسب علينا فكنا متفقين على ده ومبسوطين"، وأضاف أنها غيورة، "في مرة قلتلها جت عندنا البيت فضرب كتفها بالأباحورة، قلتلها إن الأباجورة دي عزيزة عليا قوي، قامت كسرتها قدامي".
وعن المواقف الطريفة التي حصلت بينهما، قال أحمد العوضي "مرة كنت قاعد فدخلت عليا ياسمين لقتني باكل الحمامة بعضمها، فهي شافت المنظر ده حست إني أنا باكل بني آدم، وعملت معايا خناقة وقالتلي إن الحمام ما بيتكلش بعضمه وإنت بستخاف منك"، وتابع العوضي "ومرة تانية كنا بالبيت الساعة 10 الصبح دخلت علينا وأنا باكل كبدة نية بدمها فقالتلي جيلي ده ولا إيه، قلتلها دي كبدة نية ومتزعقيش، ساعتها بقت تقولي إنت بتاكل دم لا يعني هتعمل فيا أنا إيه، إنت هتطلقني".
وخلال الحلقة أرسلت ياسمين عبد العزيز سؤال لـ أحمد العوضي عن أكثر شيء يحبه فيها والأشياء التي لا يحبها وما الذي يضايقه منها، وقال العوضي "أكتر حاجة بحبها فيها إنها حنينة وجدعة وفي ضهري، ومفيش حاجة مبحبهاش فيها، وأكتر حاجة بتضايقني منها التطويل في الخناقة بينا".
