بعد حلوله ضيفاً ضمن برنامج "بيت السعد"، الذي يقدمه الأخوين عمرو سعد وأحمد سعد على MBC1، تصدر أحمد فهمي الترند على السوشيال ميديا.
وتناول فهمي بأحدث لقاء له بعض المواضيع الشخصية بطريقة كوميدية، كما تحدث عن علاقته بشقيقه كريم وغيرها من الأمور.
"ليه الستات بيحبوكم؟"..ردّ أحمد سعد وأحمد فهمي على السؤال
"يا ترى ليه الستات بتحب أحمد فهمي وأحمد سعد وسوقهم ماشي" سؤال طرح من عمرو سعد خلال الحلقة على كل من أحمد فهمي وأحمد سعد.
وأجاب أحمد فهمي قائلا: " علشان فلكلور ما جعل أحمد سعد يدخل في نوبة ضحك".
أحمد فهمي وأحمد سعد في منافسة طريفة بعدد الزيجات
وكشف أحمد فهمي في حديث طريف شاركه مع أحمد سعد عن عدد زيجاته ليقول بأنهم 3، وعندما ردّ السؤال على أحمد سعد قال : "قبل السؤال ولا بعدو".
ثم اعترف سعد أنه تزوج 4 مرات وقال لأحمد مازحاً : "لو حاولت تسبقني هَسبقك تاني".
أحمد سعد: "أقسم بالله أنا هموت واستقر في الجواز"
أيضاً كشف أحمد فهمي عن رأيه في فكرة الحب والجواز ومدى مناسبتها لأي شخص، وقال : "الواحد لما بياخد قرار إنه يدخل في علاقة زواج أو حب، مبيبقاش داخل يكدر نفسه، الواحد بيبقى فعلا حاسس بكل الأحاسيس اللي بيسمع عنها وفجأة المواضيع بتختلف".
تابع: "أوقات منبص على الناس المستقرة وساعات بنحسدهم، ودا لا يقلل من قيمة السيدات لي ارتبطنا بيها، وغالباً احنا اللي غلط، ممكن تكون القرارات بعواطفنا أكتر من عقلنا، بنلاقي نفسنا بعد شوية مش في المكان الصح".
وتفاعل أحمد سعد مع حديث فهمي قائلاً:"والله العظيم أنا هموت واستقر في الزواج".
شاهد تقرير سابق : أحمد فهمي يطلق فيلم عصابة الماكس
أحمد فهمي يكشف المشترك بينه وبين أحمد سعد
وكشف أحمد فهمي عن الشيء المشترك بينه وبين أحمد سعد، فقال: "أنا وأحمد سعد واخدين الشغلانة لعبة، ومبنأذيش حد، وفي النهاية، شغلك هو اللي هيتكلم عنك، لما ببقى عامل ترند ومشكلة، بالاقي أحمد سعد عامل مشكلة أكبر".
تابع: "الطفل اللي بداخل أي شخص، من وهو عنده 10 سنين بيلم كل الخبرات اللي حواليه، لما بيكبر الشخص بيكون هو لسه صغير، يبدأ يخاف من حاجات هي مش حقيقية حاليًا".
أحمد فهمي يوجّه نصيحة لشقيقه كريم بشأن بناته
كما تحدث فهمي عن رأيه في الحب المشروط، وقدم نصيحة لشقيقه كريم فقال :" فيه حاجة اسمها الحب المشروط، بمعنى أهالينا زمان كانوا بيربونا أنك لو نجحت هجيب لك عجلة، ودائماً إنت حاسس إنك لازم تعمل إنجاز عشان تتحب، فلما تكبر وتعمل فيلم أو أغنية وحشة تحس إن دي آخر الدنيا لو معجبتش الناس".
تابع:" عشان كده بنصح كريم إنو يحب بناته حب غير مشروط، همّ كويسين لأنفسهم إنما تحضر هدية لهم عشان أنت بتحبهم في الأساس".
