أمل عرفة تُعلن تبرؤها من فئة من عائلتها بعد أزمة التسريبات

مسلسل سلمى الحلقة 38 .. هويدا تتهم ميرنا بالسرقة

تغيير مفاجئ في كواليس مسلسل حب ودموع.. ما القصة؟

ياسر جلال يودّع ابنته "قدرية" بالدموع قبل سفرها إلى ألمانيا لاستكمال دراستها

مسلسل المدينة البعيدة الموسم الثاني الحلقة 32 .. صدمة عليا وعودة بوران

مسلسل سلمى الحلقة 39 .. انهيار هيفاء

إنتقادات لـ ميغان ماركل بعد تصوير قدميها قرب مكان حادث الأميرة ديانا

منة جلال تتعرض لذبحة صدرية وتحذر متابعيها

القصة الكاملة لأزمة ليلى علوي في مهرجان الإسكندرية السينمائي

سيرين عبد النور و محمد الأحمد أبطال "موج عالي" لرمضان 2026

إلهام شاهين ترد على انتقادات طارق الشناوي عن دورها في مسلسل سيد الناس

ET بالعربي | 10 مارس 2025
إلهام شاهين - راغدة شلهوب - سابع سما

إلهام شاهين - راغدة شلهوب - سابع سما

 بعد الانتقادات التي وجهها  طارق الشناوي من خلال ET بالعربي، لدورها في مسلسل "سيد الناس"، الذي يعرض في رمضان الحالي، عبرت إلهام شاهين في حديث مع ET بالعربي عن استيائها من هذه التعليقات بالإضافة إلى دفاعها عن محمد سامي.

إلهام شاهين

وقالت إلهام لنا: "أكيد محمد سامي بيدي سكة لكل ممثل في طريقة الأداء، بس مش بيفرض عليه يعملها إزاي. الشخصية اللي بعملها دي شخصية غلّوية قلبها أسود وحاقدة جدًا، حاسة بنقص شديد جواها فبتغطي عليه بهجومية دائمًا. بتتكلم بصوت عالي، بتتكلم في أي موضوع، بتتخانق، الناس محستش بالحب، ففاقد الشيء لا يعطيه، وهي مبتعرفش تدي حب، مبتديش غير كره، مش بس مع ابن جوزها كمان، بتحس ده مع أولادها".

وأضافت :"هي اتجوزت في سن صغير يعني مدرستش ولا اتعلمت واتجوزت راجل عمره ما حبها كان بيعرف ستات عليها وقالها: 'أنا أتجوزت وخلفت عيل وهتربي غصب عني'، ومش بيقولها بلطف لا، فطول الوقت بتتعامل إنها جارية يعني مش حاسة بقيمتها، يعني في مشهد بقوله: 'عمرك ما هتحب ولادي عشان عمرك ما حبتني'، فقالي: 'إنتي لماحة يعني إنتي فاهمة'، وأنا مشوفتش غيره، يعني أنا عمري ما شوفت حب، وهي حاسة إنها مكسورة لأن الراجل ده كاسرها، فبتتعامل مع الناس بقوة عشان تقولهم: 'لا أنا ست قوية' كنوع من الدفاع عن نفسها، وأنا شايفها شرسة عايزة تهجم لأنها في حالة غل، لذلك أنا شفت أداءها يكون كده، وأنا شوفت ناس كتير في الحقيقة معندناش تحضر في طريقة كلامها".

وتابعت إلهام شاهين:"الحقيقة بتظلموا محمد سامي، وهو شخص لطيف جدًا مع الممثلين، وهو حتى في اللوكيشن بيعمل أجواء كلها هزار، زي ما كل بيقول إنه بيفرض رأيه، هو بيتعصب عادي زي أي مخرج خايف على شغله، لكن في ناحية الملاحظات أنا بشوف إنه هو بيبقى صح. وبعدين اعتماد ست شلق وملهاش كبير وبتغلط في أي حد دي طبيعة الشخصية، مش شخصية شيك في كلامها".