انتقدت عبير ابنة المخرج الراحل جلال الشرقاوي مسلسل "بطلوع الروح" المعروض حالياً عبر قناة "MBC مصر" ومنصّة "شاهد"، وذلك بسبب أحد المشاهد التي يشرب فيها أحد الأبطال والذي يجسد دور أحد جنود داعش.
وكتبت عبير الشرقاوي: "أسرة مسلسل بطلوع الروح مش معقولة نطلع الناس بتوع داعش خاينين و بيرتشوا و بيشربوا خمرة دول ناس بيعتبروا نفسهم مجاهدين فى سبيل الله و مستعدين للموت فى أى لحظة إحنا عارفين إنهم على باطل آه بس هما مش عارفين هما بيعتبروا نفسهم المسلم الحق و أى حد جانبهم مسلم ناقص فمش معقولة نطلعهم بيشربوا خمرة, بقى معقولة البطل إللى بيعتبر نفسه مجاهد عنده غزوة تانى يوم و ممكن يتقتل و هو عارف كده يروح يجيب خمرة و يشرب هو و مراته . إرحموووووونا يا خسارة الفلوس والله".
وإعترض عمرو محمود ياسين على حديثها كاتباً: "اسمح لي اختلف معاكي بنيتي الفكرة ع انه الخمره حرام في الاسلام فمستحيل الدواعش يشربوا الخمر .. طيب وهو حرق الاسرى مش حرام في الاسلام ؟ هو قتل النفس التي حرم الله قتلها. الا بالحق. مش حرام بالاسلام؟ هو بالاساس ايه الجرم الاكبر؟ القتل والحرق ولا شرب الخمر؟ ممكن تقولي لي هنا لا ماهو ده فهمهم الخاطيء الباطل للدين طيب ليه استبعدتي فهمهم الخاطيء لمسئلة شرب الخمر؟ مش يمكن اعتبروا ان الخمر هي ما اخذ من العنب والتمر فقط وماعداه ليس خمرا؟ ثم ليه اعتبرتي كل داعشي هو مسلم مؤمن ولكنه فقط فاهم غلط؟".
وأضاف عمرو: "مش يمكن. في دواعش. بيستفيدوا ماديا ؟ مش جايز بينهم منافقين ؟ مش جايز ببنهم مضللين وفي حالة المسلسل. مش جايز هناك من افتى له بشربها. اذا كان ذلك سيعيد له زوجته. تدريجيا؟ ثم هل هم انبياء مثلا عشان انهم مايغلطوش ؟ دول مجرمين غلاظ القلوب ازاي تصورتي انه مستحيل. يضعف امام غرائزه وهو بالاصل مسلم نفسه للشيطان بافعاله دي ناس بتقتل الابرياء نساء واطفال و عجائز مستبعده يشرب شوية خمره؟ المشكله الكبرى التي واجهت هذا المسلسل ان بعض الناس تتعامل مع داعش. ع انهم يمثلون المسلمين! و دي مصيبه في حد ذاتها".
