بسبب تجاهلهم لوالده وعدم وضع صورته على البوستر … هاجم أكرم ابن محمود البزاوي، صناع مسلسل "فهد البطل"، منذ قليل، بعد طرح البوستر الرسمي للعمل على جميع المنصات،
والبداية جاءت عندما قام بإعادة نشر البوستر علي حسابه بفيسبوك، وعلق قائلا:"في ممثل معاكم اسمه محمود البزاوي يا جماعه ! احنا اسفين يعني بس هو فين ؟".
ثم عاد مرة أخرى، وكتب :"ده عدم تقدير لوالدي و تاريخه أنه يبقى من أبطال العمل، و مش موجود على بوستر مجمع، أنا مش بقول الكلام ده من السمع، أنا قريت المسلسل كله و عارف كل شخصيه فيه بتعمل ايه".
وأضاف:"عدم التقدير ده بيتعب الفنان و بيدخله في حاله نفسيه مش كويسه خالص، قدروا كل واحد و اسمه و كفايه ظلم و مش عشان أبويا مش بيتكلم و بيسكت ده يحصل دايما على حسابه، ياريت وتش ات تاخد قرار بتغير البوستر".
يشارك في بطولة فهد البطل، عدد كبير من الفنانين، أبرزهم أحمد العوضي، وأحمد عبدالعزيز، ومحمود البزاوي، وصفاء الطوخي وميرنا نور الدين، وعصام السقا وكارولين عزمي، والعمل من تأليف محمود حمدان، وإخراج محمد عبد السلام.
