تصدرت الحلقة الأولى من مسلسل "عملة نادرة" الترند، وذلك بعد قتل أحمد عيد لشقيقه والذي يلعب دوره علي الطيب زوج نيللي كريم في المسلسل.
وتفاعل عدد كبير من الجمهور مع أداء أحمد عيد في المسلسل، وخصوصا أنه تخلى عن الأدوار الكوميدية التي إعتاد الجمهور منه عليها.
فكتب أحد المتابعين: "يكرهوني و يخافوا مني .. احسن ما يحبوني و يرفعوا عينهم في عيني الشر المستتر دا بيطلع بلاوي الاكتفاء بالنظرات و نبرة الصوت الهاديه ليها انطباعات اقوي من الزعيق و التبريق أتمني أن خط الشخصيه يكمل بأسلوب اقوي و اداء احمد عيد حلو اوي".
وتواصل "ET بالعربي" مع أحمد عيد للحديث عن شخصيته فقال: "سعيد ومبسوط برد فعل الجمهور اللي شاف المسلسل ودي حاجة أسعدتني جدا وربنا يسهل لأن دي أول حلقة فأتمنى أن رد الفعل يبقى مستمر في الحلقات التانية لحد النهاية".
أما عن مشهد قتل أخوه بالمسلسل فقال: "هو عموما مش المشهد ده بس الشخصية نفسها خدت مني شوية تعب لأني مش متعود إني أعمل شخصيات جادة فالحكاية من البداية نفسها كانت مرهقة شوية بالنسبة ليا علشان مش متعود على أدوار الشر".
وبخصوص تخوفه من الجمهور بسبب هذا المشهد فقال عيد: "لازم الجمهور يزعل مني في الدور ماهو لو مزعلوش مني يبقى أنا منجحتش"، وعن تعاونه مع فريق العمل فقال: "دول أساتذة كبار أنا أتعلمت منهم جدا والشغل مع جمال سليمان ونيللي كريم ممتع جدا وخصوصا لأنهم متعاونين لأبعد حد".
أعمال أحمد عيد القادمة
وعن تكرار تجربة الشر في الأعمال القادمة فقال: "الممثل يعمل أي حاجة والممثل بيمثل حالة وأنا حابب أني أعمل أدوار كتير وأدوار مختلفة وعاوز أبدأ صفحة جديدة من ناحية اختياري لشغلي والواحد يبقى راجع بأشياء أفضل مما مضى".
