إعلان علياء بسيوني طلاقها من أحمد سعد بعد زواج أثمر عنه طفلتان تسبب بجدل كبير ،كما وتعاطف عدد كبير من المتابعين مع علياء بعد الرسالة التي كتبتها خاصة أن البعض إعتبر أن أحمد سعد حياته استقرت وقدم عدد كبير من الأغاني الناجحة بعد زواجه من علياء بسيوني.
فيما قام البعض بنشر عدد من الميمز الخاصة برد فعل زوجته السابقة سمية الخشاب بعد معرفتها بطلاقه وكتبت واحدة من المتابعات: "في انتظار رد سمية الخشاب على طلاق أحمد سعد".
وكتب أحد المتابعين عبر منصة X: "مفروض أحمد سعد يفكه من موضوع الجواز ده ويجيب له مجموعة مساعدين يظبطوله حياته بدل الجواز والشرشحة. ويركز في شغله وفنه وكفاية كدا".
وكتب أخر: "اهلا بكم في حياة المشاهير هنا لاشئ محظور بل على العكس كل شئ مباح باتت حياتهم كتاب مفتوح امام طالبي المعرفة من الفضوليين الباحثين عن أسرار وخبايا حياة المشاهير الخاصة ! حب ، زواج ، طلاق، شجار ، خيانة ، ولادة ، ردح وشتيمة هنا تجدون كل شئ".
وكانت علياء بسيوني كتبت عبر ستوري إنستقرام قبل حذفها: "الحمد الله على كل شئ ، تم الطلاق بيني و بين احمد من شوية بناء على رغبته .. حابة اشكر احمد جدا على اصله الـ الغير طيب و معدنه السئ وحابة اقوله شكرا على قرارك اللحظي الغير موفق في خراب بيتنا وتدمير اسرتنا الجميلة الانا حقيقي تعبت فيها لوحدي تماماً و حاولت و عديت بمواقف مفيش حد في مكاني يقبلها عشان الاسرة دي",
أكملت: "وعشان المشوار الانا ابتديته ومكنتش حابة انه ينتهي . شكراً على توقيتك الجميل وانا قاعدة ببنتي 3 ايام وانت مش عارف حاجة عشان مشغول الساحل و خروجاته وبعدها شغلك . اكبر شكر على المقلب الانا اخدته في العلاقة دي و الكنت فاهمة ان ليها قيمة ببني وبضحي وبتنازل عشانها و انت طلعتها والا تسوى . ربنا معايا انا و بناتي في الجاي و ينتقم منك و يديلك على اد كل حاجة حصلت".
