تم الإعلان يوم أمس السبت 17 أكتوبر عن مسلسل جديد بعنوان "ملوخية بالتريند"، سيبدأ تصويره قريباً، وهو فكرة المنتج محمود حسان، سيناريو وحوار يوسف بسيوني ومصطفى عبدالله، إخراج بلال العربي، ومن بطولة حمو بيكا والعربي كركور.
ET بالعربي تواصل مع مخرج العمل، بلال العربي، الذي كشف بنا تفاصيل "ملوخية بالتريند"، "هو بالأساس فكرة المنتج محمود حسان، اللي قعد معايا وقللي عايزين نعمل حاجة جديدة ومختلفة، واتكلم مع بيكا اللي أبدى إستعداده إنه يخوض التجربة، وبناءً عليه كتبنا 30 حلقة، جاهزين للتصوير والمسلسل وحيتعرض على اليوتيوب وخارجي".
وعن قصة المسلسل وعنوانه، قال بلال العربي لـ ET بالعربي، "إسم المسلسل جاي من القصة اللي بتدور حوالي صابر ومهند ،وهما 2 من الفلاحين يقرروا إن هما ينزلوا مصر علشان يحققوا طموحهم، وبعدها يحدث معاهم مواقف كوميدية، وبيكون بحوزتهم شوال فيه ممنوعات بيدعوا إن هو ملوخية، وبتطاردهم العصابة لإسترجاعه منهم، يعني الموضوع كوميدي وفيه رسالة من خلاله عن محاربة المخدرات والإدمان. وبيكا بيقوم بدور صابر، ومهند بيكون العربي كركور".
وكشف بلال العربي إنه، "حيكون في مهرجانات في المسلسل، بس بشكل مش مباشر يعني بيكا مش موجود في المسلسل كمطرب، لكن هيقدم مهرجانات بطريقة غير مباشرة".
