لازال ظهور أحمد السقا مع رامز جلال في برنامج "رامز نيفر إند" يلاقي تفاعلًا من الجمهور وحتى النجوم عبر منصات التواصل الاجتماعي، رغم مرور أكثر من يوم على عرض الحلقة.
وجاء استمرار تفاعل النجوم مع حلقة أحمد السقا، بسبب أكله ثعبان في نهاية المقلب، فضلاً عن سخرية رامز جلال من جمهور الزمالك، بوصفهم بـ"الليلة"، وهو معروف عنه الانتماء الشديد للنادي الأهلي، الأمر الذي تسبب في غضب الجماهير منه.
راندا البحيري، كانت من أبرز النجوم الذين تفاعلوا مع ذلك المشهد، حيث كتبت: "بيعمل برامج مقالب والناس يتحبه برغم كل حاجة ودمه شربات وسکر.. يقوم فجأة بلا مقدمات يقرر يخسر نص جمهوره ومن غير ما حد يبتدي أو يعمله حاجة.. ده حوار غریب فعلاً، أنا مش فاهماه حاجة مش في صالحه هو.. نص الناس اللي يتحبه زعلت منه زعل مش هيتداوى مع السنين حتى".
أما فيدرا، فعلقت على أكل أحمد السقا لثعبان خلال ظهوره مع رامز جلال، حيث شاركت منشوراً ينتقد موقفه، عبر حسابها على "فيسبوك"، وعلقت عليه قائلة: "شيء مؤسف".
وجاء بالمنشور: "التعبان اللي السقا قطع رأسه والناس صقفت له، واضح جداً إنه تعبان غير سام، زيه زي أي سحلية أو سنجاب عايز يعيش ويتساب في حاله.. المشهد ده مشهد جاهل ومؤذي الحقيقة.. وفي رأيي مايختلفش كتير أوي عن اللي رمى قطة قدام العربية.. قتل غير ضروري مابيخدمش أي هدف إلا إظهار القوة على حيوان عاجز مغلوب على أمره".
وتابع: "حتى التعابين السامة (اللي بتمثل أقل من ٢٠٪ من التعابين) مش بتمشي تدور على البني آدمين عشان تعضهم، ده مجرد مخلوق بري بيبحث عن أكل وبيت وشريك، لو ظهرت في طريقه وحس بالتهديد والخوف على حياته بيعضك كدفاع عن نفسه مش عشان أنت فريسته.. مفيش كائن بيمشي يدور على أذى بدون هدف غير البني ادمين".
