وقعت فيفي عبده ضحية الحلقة الــ17 من برنامج "رامز إيلون مصر"، واستقبلها رامز جلال بمقدمته الساخرة المعتادة، وقال: "حلقة النهاردة بمثابة تكريم لزبونة من النوع القديم صاحبة أكبر كم من التيت في تاريخ الفضائيات لسانها أطول من الطريق الدائري، وعلى الكل بتتجبر وتفتري ياما نصحتها وقلت لها يا ولية عيب اختشي مقضياها سبابيب من هنا ومن هنا النهاردة هعمللك ماتش اعتزالك لا تقوليلي أهلي ولا زمالك، معانا الراقصة التي دمرتها الفتة اللي تفصل مني ستة اللي فاضحانا في كل حتة.
ووجه رامز لها مجموعة من الأسئلة ومن بينها من هي الراقصة رقم 1 دينا، صوفينار، بدرة أو جوهرة، وقالت فيفي: "رقم 1 فيفي عبده وبعدي مفيش راقصات"، وعن طلبها من شركة الإنتاج أن يُكتب اسمها قبل زينة فقالت: "محصلش مطلبتش حاجة أنا مكسب ليا إني بقيت في العتاولة"، وعن عدد زيجاتها فقالت: "اتجوزت 5 مرات كانوا عُرفي الأول وبعدين قلبتهم رسمي ومفيش فيهم فنان بس تمنيت أتزوج عمر الشريف".
وتفاعل عدد كبير من المتابعين عبر "X"، وكتب أحد المتابعين كاتبا: "بحب حلقة فيفي عبده بس بحس إني لازم أتوضى وأقول الشهادتين بعدها"، وكتب أخر: "أنا بقالي 10 سنين كل ما افتح رامز الاقيه مستضيف فيفي عبده"، وكتب أخر أيضا: "محتاجة اعرف قاموس الشتايم اللي عند فيفي عبده اللي كفاها طول الحلقة دا".
موعد عرض برنامج "رامز إيلون مصر"
يعرض البرنامج يوميًا بعد الإفطار مباشرة على شاشة MBC مصر ومنصة شاهد.
قصة برنامج "رامز إيلون مصر"
في هذا الموسم، يقنع رامز جلال ضيوفه بأنهم جزء من لجنة تحكيم لبرنامج مقالب، ليجدوا أنفسهم في مغامرة غير متوقعة بمشاركة النجمة نوال الزغبي واللاعب محمد نور. ومن بين ضحايا هذا الموسم: أشرف بن شرقي، حسام حبيب، وغيرهم من النجوم.