بدأت قناة "MBC مصر" عرض الحلقة 1 من برنامج رامز جلال، والذي يحمل اسم، "رامز جاب من الآخر" المعروض ضمن برامج رمضان 2024، والمقرر أن يستضيف به عدد كبير من الفنانين، ومن بينهم حسن شاكوش وطليقته ريم طارق، سمية الخشاب وأيتن عامر، محمد أبو جبل ومصطفى شوبير وغيرهم.
وبدأ رامز جلال البرنامج بشرح أحداث البرنامج وقال: "أعزائي المشاهدين السنة دي قررت أبقى مذيع في برنامج حواري شهير ولأني طبعا شرير قلت أجيب اتنين زملاء من غير ما يعرفوا أنهم هيتقابلوا ولا هيقابلوا نفس المصير بس لازم يكون في بينهم خلاف كبير متخانقين او منفسنين او مفيش بينهم اي تقدير وبعدين يتورطوا في موقف مرعب كله تدمير وطول التصوير كنا في صراع مرير ناس مستحملتش وناس مكملتش ومفيش داعي للتفسير ورمضان كريم... بس جمدوا قلبكم لان اللي هتشوفوه خطير".
وبعدها قدم رامز الضيوف، وضيوف الحلقة الأولى هم أحمد السقا وباسم سمرة، وذلك بعد الخلاف الأخير الذي حدث بينهم نتيجة أحد تصريحات باسم سمرة عن السقا في أحد البرامج، وقال رامز في مقدمته: "قررت أدخل المعترك وربنا يقدرني وأنهي الخلاف معانا ومعاكم الفارس وسيد المعلمين، الفتوات اللي مستحملش منهم زقة، باسم سمرة وأحمد السقا".
وأستكمل رامز مقدمته وقال: "جموع الوطن العربي، 14 سنة كفاح ومفيش رمضان عنكم بغيب، راجعلكم السنة ببرنامج يخلي الشعر يشيب"، وبعدها قدم رامز مساعده في البرنامج وهو الكلب نيوتين الذي يستعين به في المقلب وقال رامز: "ملقتش غير واحد بس اللي يساعدني وهو نيوتن".
ووصل في البداية السقا، وقال "مبسوط أن رامز هيبقى محاور ويبعد عن المقالب وأنه عقل ورامز دفعتي في الأكاديمية" وفي منتصف المقدمة قام رامز بدخول مفاجئ لأحمد السقا، وبعدها جلس السقا مع رامز وبدأ يتحاور معه .
وبعد ذلك قابل رامز، باسم سمرة واستقبله كي يراجع معه الأسئلة، ومن ضمن الأسئلة كان عن تصريحه السابق أنه علم نيللي كريم التمثيل، وقال: "ده قولته علشان كان في عمل بينا وكنت مبسوط أني همثل معاها وقامت جابت جوزها بتاع الأسكواش".
رامز جاب من الآخر يجمع السقا وباسم سمرة
وبدأ رامز المقلب، حيث قام بجمع الثنائي سويا، وقال لباسم: "انت قولت أن أحمد السقا شال منك مشاهد من فيلم الجزيرة"، وقال السقا: "أنا مشلتش حاجة"، وقال رامز: "أشتغلت معاه تاني ليه يا سقا"، فرد السقا: "علشان باسم أخويا ومن منطقة واحدة نزلة السمان".
وبعدها دخل الثنائي السقا وسمرة نفق وبدأ رامز ينزل لهم بعد الزواحف، وبعدها أخذ رامز يطلب منهم الغناء، ليسقطوا في الماء، وكرر السقا قائلا: "هطلع وأموتك يا رامز"، وبعد خروجهم من الماء قاما بمقابلة النعام، وبعدها في نهاية الحلقة رفض رامز جلال أن ينزل لمقابلتهم، وذلك بعدما خلع أحمد السقا حزامه كي يضربه وقال: "أنا مش نازل يا سيد المعلمين".
تفاعل الجمهور على برنامج رامز جاب من الآخر
ومع عرض الحلقة تفاعل عدد كبير من متابعي البرنامج عبر "X"، وقال أحد المتابعين: "عاده ثابته وقت الفطار رامز"، وكتب أخر: "رامز حب يعمل حاجه جديده قام مستقبل الضيف في اول الحلقة".
