وقع أحمد السقا ضحية الحلقة 16 من برنامج رامز ليفل الوحش، و في تقديم رامز له قال عنه "انهارده حلقة شائكة محفوفه بالمخاطر، الضيف اللي جاي صاحبي، بس الشغل مافيهوش خواطر، معانا نجم كبير أفلامه بتكسر السينمات، كلها علامات، ياما طلع من تحت إيده ممثلين و ممثلات، بـ اختصار من نجوم الصف الأول، بس للأسف بقاله فترة متغير و متحول، ساب الأفلام و البلاتوهات و اتفرغ للمشاكل و الخناقات، و لما الفراغ قتله اتجه للفيديوهات، و عشان انت بالنسبة لي أخ انا عاملك انهاردة فخ، انت محتاج صدمة ترجعك لمستواك عشان اللي بتعمله ده مش عمايل نجم شباك، معانا ومعاكم قلب الاسد، النجم اللي اتحسد، اللي هوقفه عند حده و أقوله لأ، أحمد السقا".
بدأ البرنامج و كأنه برنامج ترفيهي بـ إسم "الرحلة" و تقدمه ألين وطفة، و شارك محمود السيسي المقلب مع السقا بكل مراحله المتتالية.
و في أول مرحلة رفض السقا مساعدة محمود السيسي في التعامل مع الفراخ لكن اضطر بعدها أن يساعده، و سأل رامز السقا عدة أسئلة فقال له "تفضل ترجع لـ مها الصغير ولا ترتبط بزوجة أخرى"، فرد "أياً كان اللي بيتكلم ماحدش له دعوة بحياتي الشخصية عشان ماعملش جناية من فضلكم" فقال له رامز "انت بتهددني"، و سأله ثاني سؤال قائلاً "البوستات اللي انت كتبتها و بعدين انكرتها.. انت اللي كاتبها ولا أختك" قال "لا انا ولا أختي"، و كان آخر سؤال "مين بتحب الاكشن بتاعه محمد رمضان ولا أحمد العوضي" لكن السقا لم يرد.
و بدأ السقا ينفعل على محمود السيسي و يقول أنه لا يرى أي شيء و أنه داخ في مرحلة الغسالة و لعبة الزهر، أما في مرحلة الغابة فتمسك السقا بمحمود السيسي و لم يتركه وقت ظهور الشمبانزي، و بقي السقا هادئاً طوال مرحلة ليفل الوحش و عرف رامز قبل أن يخلع الماسك.
و تفاعل المتابعون مع الحلقة أثناء عرضها، فكتبوا عبر منصة X "الانترو بتاعت رامز ل أحمد للسقا تاريخيه بجد وتصرفات أحمد السقا نفسها جامده"، و كتبت إحدى المتابعات "حلقه رامز النهارده جامده احمد السقا عسل"، و جاء تعليق آخر "السقا لأ يا رامز".
قصة برنامج رامز ليفل الوحش
تدور فكرة المقلب في إطار 6 غرف مختلفة، تحتوي كل غرفة على مقلب معين يدخل فيه الضيف بصحبة أحد البلوجرز المتفق معهم على تنفيذ المقلب، باستثناء الغرفة الأخيرة التي يدخلها الضحية بمفرده، ليظهر له رامز جلال في نهاية المقلب.
ضيوف ومواعيد عرض برنامج رامز ليفل الوحش
يُعرض برنامج رامز جلال يوميًا بعد أذان المغرب مباشرة عبر قناة MBC مصر. ووقع ضحية المقلب هذا العام كل من:
غادة عبد الرازق، أحمد السقا، كارولين عزمي، آية سماحة، لقاء الخميسي، هنا الزاهد، رحمة محسن، محمود بن تايج، وأحمد مصطفى زيزو، وغيرهم من الضيوف.
