وقعت دينا ضحية الحلقة 20 من برنامج رامز ليفل الوحش، و في تقديم رامز لها قال عنها " انهاردة يا جماعه جاي اقول حقيقه مؤلمه، الرقص الشرقي بقى فى خطر، الروسيات والبرازيليات هاجمين علينا زي المطر، لدرجة ان الراقصات المصريات، بقوا زي الديناصورات بينقرضوا وبيتحولوا لمجرد ذكريات، مش فاضل منهم غير الي جايه انهارده هي دي اللي باقية لنا، قررت أجيبها و أرجعها مطرحها، معانا و معاكم ناظرة مدرسة الرقص الشرقي اللي هتطلع عينينا، دينا".
بدأ البرنامج و كأنه برنامج ترفيهي بـ إسم "الرحلة" تقدمه ألين واطفة، و شاركت كنزي مدبولي المقلب مع دينا بكل مراحله المتتالية.
و في بداية الحلقة تألمت دينا من طلقات رامز، بعدها سألها رامز عدة أسئلة فقال لها "مين أكتر واحدة بتقلقك.. بادرة ولا صوفينار ولا جوهرة؟" فردت دينا "مفيش حاجة بتقلقني" ثم سألها "مين اكتر ممثلة بيعجبك رقصها.. دينا الشربيني ولا مي عمر؟" فقالت دينا "نبيلة عبيد" ثم قالت "مي عمر مابتعرفش ترقص مي جابت حد يرقص مكانها"، و كان آخر سؤال لها "اتجوزتي كام مرة" فقالت "تسع مرات" و نفت زواجها من ممثل.
و رفضت دينا التعامل مع الكهرباء نهائياً و ظلت تصرخ من التعب و الخوف، حتى في مرحلة الغابة كانت تصرخ "خرجونا"، و ظهر عليها الخوف الشديد في مرحلة ليفل الوحش و بكت عند ظهور رامز. و في نهاية الحلقة سألها "مين بترقص حلو.. بدرة ولا جوهرة ولا صوفينار" فقالت "بدرة و عندها حضور طاغي".
و تفاعل المتابعون مع الحلقة و علقوا عليها عبر منصة X "دينا مع رامز بتقولكم انها اتجوزت9 مرات"، و كتب أحد المعلقين "دينا : هتتبسطي رامز : هتتبسطي ليه هترقصي لها".
قصة برنامج رامز ليفل الوحش
تدور فكرة المقلب في إطار 6 غرف مختلفة، تحتوي كل غرفة على مقلب معين يدخل فيه الضيف بصحبة أحد البلوجرز المتفق معهم على تنفيذ المقلب، باستثناء الغرفة الأخيرة التي يدخلها الضحية بمفرده، ليظهر له رامز جلال في نهاية المقلب.
ضيوف ومواعيد عرض برنامج رامز ليفل الوحش
يُعرض برنامج رامز جلال يوميًا بعد أذان المغرب مباشرة عبر قناة MBC مصر. ووقع ضحية المقلب هذا العام كل من:
غادة عبد الرازق، أحمد السقا، كارولين عزمي، آية سماحة، لقاء الخميسي، هنا الزاهد، رحمة محسن، محمود بن تايج، وأحمد مصطفى زيزو، وغيرهم من الضيوف.
