وقعت غادة عادل ضحية الحلقة 9 من برنامج "رامز ليفل الوحش"، و في استقبالها قال رامز "كانت حياتها هي و جوزها زي اللوز.. و الدنيا كانت ماشية معاهم عنب و موز.. البيه اللي كانت متجوزاه رفع شعار طلق مراتك و جدد حياتك.. و هي كمان ما صدقت قالت حريتي لا تقدر بمال.. النهاردة انا جبتها عشان انصحها و اقولها.. في ايه مالك ايه اللي جرالك.. بعد شوية هتعيشي معايا تجربة صعبة و مهببة هتخرجي منها واحدة تانية ملتزمة و طيبة.. معانا و معاكم الأم المنطلقة السنجل ماذر الحسناء غادة عادل".
و كالعادة بدأ البرنامج وكأنه برنامج ترفيهي باسم "الرحلة" تقدمه إلين وطفة، وشاركت كنزي مدبولي مع غادة عادل في المقلب بكل مراحله.
و بدأ المقلب بفقراته و مراحله المتتالية و قالت غادة في أول البرنامج "أي حاجة عندي منها فوبيا"، ليبدأ بعدها المقلب و في أول مرحلة منه سألها رامز "بتشربي كام سيجارة في اليوم" فقالت "ولا واحدة أنا بطلت"، و سألها "انتي رافضة ان مريم بنتك تتجوز عشان ماتبقيش جدة" لكنها نفت هذا الكلام، بعدها سألها "عملتي كام عملية تجميل" فـ ردت "2 واحدة منهم في وشي و الناس كلها عارفة"، و عن خناقتها مع ناس في الكومباوند قالت "احنا اتصالحنا و ماضربناش بعض".
و في المرحلة التالية اشتكت غادة من شعورها بالدوخة، و بعدها تمسكت بكنزي و طلبت منها "والنبي ما تسيبيني"، و ظهر على غادة الرعب مع الحيوانات في مرحلة الغابة و في آخر مرحلة حتى وصل لها رامز.
وتفاعل الجمهور مع الحلقة و علقوا عليها عبر X قائلين "بصراحة كدة بتفرج على رامز عشان كنزي مدبولي هادية وجميلة بجد"، و كتبت احدى المتابعات "بسم الله ما شاء الله اللهم صلي على النبي حلاوتك يا الغالي لوك حلقه النهاردة عسل وتجنن ما شاء الله ذبت قمر قمر تجنن يا نجم نجوم".
قصة مقلب رامز جلال
تدور فكرة المقلب في إطار 6 غرف مختلفة، تحتوي كل غرفة على مقلب معين يدخل فيه الضيف بصحبة أحد البلوجرز المتفق معهم على تنفيذ المقلب، باستثناء الغرفة الأخيرة التي يدخلها الضحية بمفرده، ليظهر له رامز جلال في نهاية المقلب.
ضيوف ومواعيد عرض مقلب رامز جلال
يُعرض برنامج رامز جلال يوميًا بعد أذان المغرب مباشرة عبر قناة MBC مصر. ووقع ضحية المقلب هذا العام كل من:
غادة عبد الرازق، أحمد السقا، كارولين عزمي، آية سماحة، لقاء الخميسي، هنا الزاهد، رحمة محسن، محمود بن تايج، وأحمد مصطفى زيزو، وغيرهم من الضيوف.
