وقعت غادة عبد الرازق ضحية رامز جلال في الحلقة 3 من برنامج "رامز ليفل الوحش"، و قال رامز في تقديمه لها "هناخد من الحلقة دي حكمة.. و نشوف معاكم ازاي عنفوان امرأة يتحول لـ إنكسار ولية.. فنانة كانت قوية ماكانش حد يقدر يبق معاها.. بتعمل اللي على مزاجها و على هواها.. ياما ضربت مخرجين ياما شخطت في منتجين.. الكل كانوا منها خايفين مرعوبين.. لحد ما المشاكل حاوطتها و دخلت جوا بيتها بسبب فشل الجوازات اللي اتجوزتها.. اكتأبت و قفلت معدتها بقت عايشة على البسكويت و القراقيش و خست و بقت مافيش.. عشان كدة أنا جايبك انهاردة تعملي come back.. و ترجعي نجمة شباك و تبقي حديث الكل هنا و هناك.. معانا و معاكم النجمة اللي عاملة في سنانها تقويم و مزوداها في الرجيم و موقفة حلو و حادق.. غادة عبد الرازق"
و بدأ البرنامج كأنه برنامج ترفيهي بـ اسم "الرحلة" تقدمه إلين وطفة و يشارك في الحلقة محمود السيسي مع غادة عبد الرازق، و بدأ المقلب بمراحله المتتالية، فسأل رامز غادة عدة أسئلة منها "أما مسلسلك اتلغى رجعتي العربون ولا لا" فقالت "رجعته"، ثم سألها "ايه رأيك في أن محمد سامي قرر يتجه لتمثيل بعد الإخراج" و غادة لم ترد، كما سألها عن عدد زيجاتها و لم ترد أيضاً، ثم قال لها رامز "هعرض عليكي عرض لو عايزة تخرجي من هنا .. تتجوزيني" فردت "لاااا" فقال لها محمود السيسي "ما تمشي الدنيا يا دودو".
و بدا على غادة الخوف الشديد في مرحلة الغابة، أما في ليفل الوحش لم تحاول الهرب من المياه، حتى إكتشفت إنه رامز فـ ضربته. و في نهاية الحلقة سألها رامز مرة أخرى عن عدد الزيجات لكنها رفضت أن تجيب، و قالت أن عمرها 55 سنة.
وتفاعل عدد من المتابعين مع الحلقة فكتب أحدهم "مش هتحلك اخر الحلقة يا رامز"، وكتبت آخرى "هتوحشنا يا رامز"، فيما كتبت أحدى المتابعات "غاده عبد الرازق مع رامز النهارده عاملة زى الستات اللي تبان سترونج وهي على الله حكايتها"، و جاء تعليق آخر "هو رامز مخافش ع نفسه من غادة عبد الرازق".
قصة مقلب رامز جلال
وتدور أحداث المقلب في إطار 6 غرف مختلفة، كل غرفة بها مقلب يدخل به الفنان بصحبة أحد البلوجر المتفق معهم على المقلب، ماعدا الغرفة الأخيرة التي يدخل بها الضحية بمفرده ويظهر له رامز جلال في نهاية المقلب.
ضيوف ومواعيد عرض مقلب رامز جلال
ويعرض برنامج رامز جلال يوميا بعد آذان المغرب مباشرة عبر قناة "MBC مصر"، ووقع ضحية مقلب رامز هذا العام كل من غادة عبد الرازق، أحمد السقا، كارولين عزمي، آية سماحة، لقاء الخميسي، هنا الزاهد، رحمة محسن، محمود بن تايج، أحمد مصطفى زيزو، وغيرهم من الضيوف.
