حلّت سميحة أيوب ضيفةً على برنامج "كلمة أخيرة" الذي تقدمه لميس الحديدي على قناة "أون" المصرية.
وتحدثت سميحة عن بداياتها التي انطلقت فيها من المسرح وصولاً إلى السينما، وعبّرت عن عشقها للمسرح والتلفزيون والإذاعة والسينما وكل ما يتعلق بالفن.
وتطرقت إلى تكريمها بمهرجان شباب المسرح الذي أقيم في شرم الشيخ، وقالت عنه: "تكرمت ان الدورة كانت بإسمي وأنا الرئيسة الشرفي". ولفتت إلى أنه تم تكريمها من كل الدول العربية وأكثر من مرة خلال مسيرتها الفنية.
لم تعتبر سميحة أيوب أن الفنان بات مختلفاً عن السابق حتى مع الجيل الجديد، بل تعتبر أن الفن الأصيل يبقى أصيلاً... "فالفن عبارة عن إحساس ورسالة وعملية تنويرية للناس. وهي رسالة حضارية وسياسية واجتماعية يعني بياخد أشكال كتير".
وذكرت أنها اكتشفت ما بداخلها عندما بدأت العمل في المعهد، وقالت: "أنا رحت المعهد بالصدفة مع صاحبتي رايحة بتمتحن، وأنا وقفت على جنب. اللجنة اللي كانت موجودة ما لقيتش اسم لوحدة زيادة وفي وحدة واقفة عندهم، فقالولي "يا شاطرة انت اسمك مش موجود"، قلتلهم "موجود ليه؟"، قالولي "مش انت مقدمة"، قلتلهم "لاء أنا جاية مع صاحبتي". واحد كان قرفان أوي والتاني سألني "أنت يا شاطرة بتحبي التمثيل"، قلتله آه وأنا ساعتها لا كنت بحب التمثيل ولا حاجة، وسألني بتحبي تمثيلي زي مين؟ قلتله ليلى مراد ويوسف وهبي وساعتها هلكوا من الضحك، كان من بين أعضاء اللجنة يوسف وهبي وأنا مش شايفاه"، ثم تم إدخالها المعهد لاحقاً.
وتناولت المسلسل الإذاعي "سمارة" الذي قدمته، وقالت عنه "سمارة أهميتها زي أهمية أي حاجة كويسة عملتها" على الرغم من النجاح الذي حققه، وأشارت إلى أن "سمارة كانت أول مرة تطلع البنت البلدي الجدعة، فكانت جديدة على الناس.. وجسدت شخصية رابعة العدوية تمثيلاً ووضعت أم كلثوم صوتها الغنائي على العمل".
ثم تطرقت إلى علاقتها بأم كلثوم وقالت: "هي كانت التمثيلية اتسجلت لحد غيري، فهي بلجنة الاستماع سمعت فما عجبهاش طريقة التمثيل، فبعدين قالتلهم في بنت طالعة جديد اسمها سميحة أيوب هاتوها، يعني صوتها في الكلام تقريباً كونترو ألتو وأنا كمان كونترو ألتو ده في طبقة الصوت. الأستاذ عصمان أباظة ندهلي وقالي سميحة انت حتسجلي رابعة، قلتله ما اتسجلت، قال لاء انت حتسجيلها، قلت استجلت يا أستاذ أنت مش مسجلها.. قالي ما هي أم كلثوم سمعت وما عجبهاش، فرفضت وقلتله الست العظيمة دي عملتها ازاي أنا أعمل بعد منها، وقالي ان دي فرصة".
وتابعت: "أنا رفضت الفرصة، سألني بعدها مدير الإذاعة أنت مش عايزة تمثلي ليه، قلتله لأن في سيدة محترمة عملت الدور وما قصرتش، قالي انت حتعملي الدور وبعد ما رفضت قالي مش حتخوشي الإذاعة، فقلته ولو، بلاش الإذاعة".
وأضافت: "بعد خمسة أيام كلمتني السيدة العظيمة اللي عملت الدور، قالتلي يا سميحة اعملي الدور، علشان خاطري اعمليه، قلتلها أنا علشان خاطرك رافضاه"، ثم وافقت.
"لما كنت بسجل الجزء بتاعي أم كلثوم أصرّت انها تحضر التسجيل، التكييف باظ في الاستوديو وكان الجو نار، فهي كانت بتوقف بكباية عصير الليمون على باب الاستوديو علشان تديني أخد شفطتين.. ومن هنا بدأت صداقة بيننا وكل يوم جمعة كان في محل في آخر شارع الهرم اسمه خريستو بتاع السمك كنا دايماً يوم الجمعة ده هي وجوزها وأنا وجوزي نتغدى سوا".
أما فيما يتعلق بزيجاتها، قالت: "سعد الدين وهبة أطول زيجة وامتدت لـ 35 سنة، أنا قلتله أنا عندي ولدين وانت عندك بنتين ربنا يخليهم لنا نربيهم كويس"، لكنه لاحقاً كان يفضّل أننا لو أنجبنا ولداً.
وتزوجت سميحة أيوب من سعد الدين وهبة وهو آخر أزواجها، وقبله محمود مرسي والأول كان محسن سرحان وقالت عنه: "أنا كنت مع محسن مراهقة عيلة صغيرة، ما اعرفش يعني ايه حب.. اتعرفت عليه لما كنت بشتغل دور أخته الصغيرة بفيلم اسمه "المتشردة""، وتابعت: "خلف البيبان المقفولة الطبائع بتتغير وأنا كنت عيلة صغيرة، وهو راجل ناضج وكده وكان نجم كبير أوي أوي. خلفت منه ولد، وبعدين تجوزت محمود مرسي بعد قصة حب كبيرة جداً جداً، واتطلقنا واحنا منحب بعض، واتطلقنا علشان أنا بشتغل كتير، حقيقة كنت ظلماه وقلتله أنا دلوقتي بعمل سميحة.. انا ببني نفسي واحنا في بلد ذاكرتها ضعيفة فلما تمشي من الصورة بتتنسي فأنا دلوقتي عايزة أبقى في الصورة أثبت.. ولقيت فعلاً انه هو مظلوم وخلفت منه ولد على طول".
وعن محسن سرحان قالت: "اللي تركه محسن سرحان ان أنا كرهت الرجالة كلها، الضغط زيادة عن اللزوم وانه يقفل عليكي الباب بالمفتاح، ما تقعديش مع امك وما تقعديش مع أخواتك، يعني كان صعب الله يرحمه. ولكن محمود مرسي كان انسان راقي ومثقف وطيب في حاجات كتير أوي جميلة. سعد الدين وهبة ده راجل عاقل أوي وحياتنا مع بعض كانت صداقة ودي الحياة اللي بتستمر".
ورداً على سؤال ان كانت مستعدة للزواج للمرة الرابعة، قالت: "لأ ليه بقى نضحك الناس علينا".
أما آخر أعمال سميحة أيوب فهو مسلسل "أجازة مفتوحة" الذي يلعب بطولته إلى جانبها شريف منير ولقاء الخميسي ومؤمن نور، وانطلق عرضه في سبتمبر الماضي.
