بعد حلولها ضيفة في الحلقة الثانية من بودكاست "Big Time" من تقديم عمرو أديب وأصالة، كشفت شيرين عبدالوهاب عن إحدى الفترات الصعبة التي مرت بها مؤخراً، قائلة إنها تمنت الموت لها ولبناتها.
شاهد تقرير سابق : علاقة شيرين بحسام حبيب تسيطر على حفلها في بيروت
شيرين عبدالوهاب في بودكاست Big Time: "ما عنديش طباخين وسفرجية"
وأضافت شيرين خلال لقائها في بودكاست الثنائي أصالة وعمرو أديب، الذي يُعرض على شاهد و MBC، لتقول : "لما كانت الناس تشوفني في حفلة ويقولوا مش ده أداء شيرين اللي احنا نعرفها، وفي الوقت ده إحساسهم كان حقيقي لإني ما كنتش طبيعية فعلاً، وفي أول حفلة ليا في مهرجان قرطاج لما وقعت فيها على المسرح، بعد أزمتي وقعت وقعة غريبة جدًّا على ركبتي وقعدت فترة أتعالج وما حدش كان يعرف، وكان فيه حاجة غريبة بتحصلي".
تابعت أيضاً: "اللي بيأذيني مش حطاه في راسي نهائياً، بس أنا بتأثر جداً، والناس من حقها تعرف أنا كنت تعبانة والظروف كانت معايا صعبة جداً".
واستكملت شيرين حديثها عن معاناتها لتصدم الجمهور وتقول: "فيه أوقات حاولت أموت وكنت بقول لربنا لو ما خدتنيش أنا هزعل منك اوي وخدني أنا وبناتي علشان أنا مش هعرف أسيبهم في الدنيا لوحدهم".
أيضاً تحدثت عن بعض الأشخاص الذين يغارون منها فقالت: "في ناس تانية لما تشوفها تقول دي ملاك لكن من جوا تموت مني، ربنا يكفينا شرّها"، قبل أن تتوجه لأصالة وتقول لها "في واحدة معينة إنتِ عارفاها".
وعن موقف إنساني لا تنساه من أحلام قالت : "كنت جاية من العمرة وتعبانة وبعيّط، مسكتني وعصرتني، وقلتلها أنا محتاجة لشيخ يقرالي قرأن عشان يحصّنني، هي أحلام طيّبة جداً وما شاء الله حافظة القرآن كويّس".
كما تناولت شيرين أيضاً الأدعية التي تذكرها خلال حياتها اليومية، قائلة أنها تردّد دائماً: "يا رب متخليش صفاتي الحلوة هي تبقى سبب تعرضي للأذى في الدنيا.. يا رب استخدمني وأكون سبب في الأرض لخدمة الناس وتقديم العمل الإنساني".
أيضاً كشفت عن عثورها على كيس فيه رمل ومفتاح غرفة نومها، وعن قرينها لتقول : "كل ما قريني بيتعبني بشغّلو "صورة ق"، وهو يأتيني لما ساعات بحس بالخوف والبكاء من غير سبب، وقول الأوضة دي فيها ثعبان".
كما أفصحت شيرين عن تفاصيل حياتها الجديدة، قائلة: "بقى عندي أسلوب جديد في حياتي، كل حاجة اتغيرت وبلعب رياضة وابتعدت عن الأكل بشراهة، وبعد الساعة 2 بعد منتصف الليل مش بمسك التليفون".
وعن المال قالت عبدالوهاب: "الفلوس بالنسبة لي بقت مش أهم حاجة، بقيت محتاجة اللي أعيش بيه أنا وبناتي، واللي عندي بقول يا رب اعتبره مش ليا"، مضيفة: "أنا عيشتي قبل الفن هي هي بعد الفن.. ما عنديش طباخين وسفرجية، عندي فدانين أرض زارعاهم كل الحاجات اللي بحبها، وبحب الفول الحراتي بالكمون والجبنة القريش كأني باكل كافيار".
وكانت شيرين كشفت في البرومو التشويقي للحلقة عن بعض مشاكلها لتقول: "بقالي 25 سنة بتسرق". ثم أضافت: "طلبت الاستشارة من دكاترة نفسيين ومعرفوش يوصلوا لحاجه ولا حلّ لحالتي".
