حلت عايدة رياض ضيفة ببرنامج "كلام الناس" مع ياسمين عز على شاشة "mbc مصر"، وتحدثت عايدة عن علاقة حب تعيشها في الوقت الحالي مع شاب مصري يحمل الجنسية الأمريكية ويعيش في الخارج وقالت عايدة عن تفاصيل العلاقة: "هو متقدمش ولا حاجة هو بيتكلم لسه يعني لسه بنتكلم مع بعض بس أنا بصراحة مخدتش وأديت جامد بنتكلم في التليفونات مشفتهوش لايف لحد دلوقت وهو بيقعد يكلمني كتير من أمريكا ولما بيجي هنا مصر برضه بيكلمني".
وعن سبب عدم لقائهم حتى الآن فقالت عايدة: "معرفش وهو زعل على فكرة مني جدا كذا مرة يكلمني وكنت أنا مثلا بصور وفي أوقات كان بيبقى ليا ظروف تعب وظروف وفاة أخويا فمكانش ليا دافع فهو ممكن يكون شافني في انترفيو فبيكلمني على الانترفيو وفي مرة كلمني وقالي معقولة أنت مشغولة أوي كده وقالي أنت أكيد بتحبي حد وفي حد في حياتك ماهو مش معقول تكوني مشغولة طول الوقت فقمت عملتله بلوك فدماغي مكانتش مستحملة وفكيت البلوك بس لسه متصالحناش".
كما تحدثت عايدة عن عدم إنجاب أطفال وقالت: "أى ست أمنيتها في الحياة أنها تخلف حتى لو قالت أنا قاصدة مخلفش علشان جسمي ميبوظش ده كلام فاضي أى بنوتة في الدنيا بيبقى نفسها تتجوز وتحبل وتجيب أطفال الحقيقة أن الأولاد شئ مهم جدا وهم الوحيدون اللي هيخافوا على أباؤهم وأمهاتهم بجد وابنك وبنتك هما اللي هيقعدوا جنبك وقت ما تقولي أه".
