لم تبق كارول سماحة أسيرةً لمسرح الرحابنة على الرغم من النجاحات التي حققتها في ذلك العالم النخبوي، بل تمردت وانطلقت لاحقاً بمفردها، تعليقاً على نجاحها لاحقاً بعدما تركت مسرح الرحابنة، قالت كارول سماحة في حديثها لبرنامج "مراحل" مع علي العلياني: "أول شي ما بحب كلمة نخبوي بشكل عام لأني بحس فيها تقليل من الفئة التانية، الي هي كتير بحبها وبحترمها وهي الشعب كله. الأخوان الرحباني ما كانوا نخبويين لأنه أغاني فيروز ما فينا نعتبرها نخبوية، كانت للجميع".
أما فيما يتعلق بالمسرح، قالت: "لما استقليت وأخدت خطي، ليه؟ لأنه أنا ما فيي استوعب كل حياتي عم أعمل ألبومات من لحن شخص واحد أو شعر واحد، الانسان بينضج، ذوقنا بينضج، الكلام الي منختاره بيتغير، بعدين الانسان قد ما يطوّر بحاله، في فنانين بحبوا بيرتاحوا انه يشتغلوا مع نفس الملحن، أنا بحس حتى لو أخدت منهم الي بدي إياه كان رح يجي وقت بدي استقل بخطي الشخصي".
لا تنكر كارول سماحة أنها كانت متخوفة من هذه الخطوة، "كنت متخوفة لأني أنا بالنهاية نجحت مع منصور الرحباني الي ألف حدا بيتمنى يفوت معه بعمل، وأنا برعت معه ولمعت كتير، بعدين لما بتفوت مع الرحباني وبتنجح الناس بتحطك عالرف فوق.. وأنا كنت حابة غني بوب لأني كنت بعدني صغيرة.. بدي غني أغاني بتشبه عمري".
كارول سماحة تعلق على الجدل حول "ستنتهي الحرب"
لم يغب الجدل الذي أثير حول كلمات "ستنتهي الحرب" والألبوم الذهبي المؤلف من 12 قصيدة لمحمود درويش، علقت كارول قائلةً: "أنا أخدت الاذن وأنا ما بعمل شي غير قانوني أو أتأكد من معلومات، نحن اخدين سماح من خيو الي هو الوريث الشرعي لمحمود درويش، زكي درويش".
وتابعت: "بالنسبة لـ"ستنتهي الحرب" نحن أخدنا موافقة من مؤسسة محمود درويش على القصائد الي أنا اخترتها من بينهم "ستنتهي الحرب" واجى موافقة عليها على أساس انها هي قصيدة لمحمود درويش.. وإذ منتفاجئ من بعد ما نزلت الكليب والعمل، بتطلع المؤسسة بتقول انه هيدي القصيدة مش إله.. مين الي اكتشف؟ بعض الصحافيين الضلعين باللغة العربية الي متابعين تاريخه، طلعوا بيعرفوا أكتر من المؤسسة".
"المؤسسة حكيوني إلي قبل ما يطلعوا عالاعلام، قلتلهم لا مشكلة ولكن صلحوا غوغل.. أول شي انتوا وافقتوا عالأغنية وانتوا اعتبرتوها إله.. تانياً: شيلوا عن كل المواقع انها مكتوبي لمحمود درويش، عم تضللوا الرأي العام.. هذه القصيدة اليوم ما إلها أب.."، وفق ما ذكرت كارول في برنامج مراحل.
كارول سماحة ترد على إليسا
في ردها على إليسا بعدما وصفتها بأنها "بتحب تحرتق"، قالت: "أول شي لما طلعت ببرنامج السنة الماضية، سألوني عن أربع فنانين مين الأقرب إلك، واختارتها هي بين الأربعة، لو ما عندي محبة حقيقية إلها ونية صافية تجاهها كان فيي ما اختارها. الي صار حدا من الفانز سألني ليه إليسا ما بتجاوب.. فأنا جاوبته بوقتها انه Expected "متوقع"، بمعنى أنا برمي الخير تبعي ما بتوقع من الآخر الرد، يعني ما كنت مستنظرة انها تجاوبني ولا حدا يجاوبني.. فأنا لما كتبت Expected أي أنني لم أكن أنتظر شيء.. بالنسبة للشق التاني الي قالته، أنا استغربت تقول عني هيك وبعرفها هي جريئة كنت بفضل تروح للآخر، هي عم تقول انه أنا بحرتق.. ايمتى ووين؟ مع مين مع أي فنان؟ بحياتي ما كان عندي أي تاريخ من المشاكل مع ولا أي فنان، بحياتي ما عملت لايك على تويت فيها إساءة لغيري من الفنانين".
من بين الفنانات اللواتي شغلن دور لجان تحكيم، اعتبرت أن اسمين لفتاها، وهما أحلام التي وجدت في الغالب أن آراءها صائبة، ونجوى كرم التي خلقت شخصية خاصة بها.. ثم من بينهما اختارت أحلام.
صوت عبدالمجيد عبدالله نقطة ضعفي
عن أجمل وأسوأ ما في تجربتها في "إكس فاكتور"، قالت: "الأجمل كان التوافق بين لجنة الحكم وعدم التوافق بين لجنة الحكم.. كانت تجربة حلوة وممتعة وبتتعلم منها".
الفنان الذي ترغب بأن تقدم معه دويتو، قالت: "عندي نقطة ضعف لصوت عبد المجيد عبدالله".
في إحدى فقرات البرنامج، رتبت كارول أسماء عدد من الفنانين الأكثر جماهيرياً ثم الأقرب إلى قلبها، ولكن خيارها جاء بحسب اللون الأقرب إلى اللون الذي تؤديه، فجاء في المرتبة الأولى وائل كفوري، يليه وائل جسار، رامي عياش وعاصي الحلاني في المرتبة نفسها، فارس كرم كاراكتير عنده شي خاص غير عنهم، راغب علامة نجم عربي".
أما فيما يتعلق بالترتيب الأقرب إلى قلبها، فجاء أولاً فارس كرم، عاصي الحلاني، وائل كفوري، راغب علامة، وائل جسار ورامي عياش.
