في مقابلة أجريناها معه في سوريا، بعد عودته إلى الوطن مع زوجته يارا صبري، كشف ماهر صليبي عن عمل جديد وشيّق سيبصر النور في الفترة المقبلة.
وتحدث صليبي خلال وقفة تضامنية مع زوجته يارا ومجموعة من النشطاء من أجل المطالبة بتحديد مصير المعتقلين والمفقودين في سوريا.
ماهر صليبي عن رواية "السوريون الأعداء": "بتحكي عن الوجع لكل سوريا بما فيها مدينة حماة"
كشف ماهر لـ ET بالعربي عن تحويل رواية "السوريون الأعداء" إلى عمل تلفزيوني قصير قائلاً :"كنت متحمس جداً إنو إعمل رواية (القوقعة)، واشتغلنا فيها على مدى أكتر من سنة، اشتغلنا عالرواية وبلشنا نعمل السيناريو، وبعدين توقّف المشروع بسبب التمويل".
أضاف : "بوقتها كنا عم نشتغل على رواية لـ فواز حداد، إسمها (السوريون الأعداء)، هلأ رجعت عالضوّ، وبدنا نرجع نعملها مسلسل قصير".
وتابع المخرج شرحه عن الرواية قائلاً : "إن شاء الله يا رب تكمل هي الرواية لأنو من أهم الروايات لي بتحكي عن الوجع السوري، وترفع القبعة للأستاذ فواز حداد لكل رواياته وتحديداً هي الرواية لي بتحكي عن مرحلة بالثمانينات والوجع لي صار بهيدي المرحلة على كل سوريا وبما فيها مدينة حماة".
أما عن إمكانبة مُشاركة ممثل في أحد أعماله، ممّن كانوا يؤيدون النظام السابق في فترة حكمه، أجاب : "في ناس ممكن تسامحيهم وتصالحيهم، وأنا بالنسبة إلي في ناس لا بسامحهم ولا بصالحهم".
