أطلت منى زكي، مع محمد فراج وآدم الشرقاوي، في برنامج "الحكاية" لـ عمرو أديب عبر قناة MBC مصر، حيث تحدثوا عن نجاح مسلسل "لعبة نيوتن" الذي عرض في موسم رمضان 2021.
عن تصدرهم الترند في رمضان، أكدت منى زكي خلال اللقاء "إحنا الوحيدين اللي متكلمناش إننا ترند في رمضان، يعني قصدي إني باخد الأمور بتوازن".
وبالنسبة لمشهد المحكمة في "لعبة نيوتن"، والذي لاقى تفاعل كبير من قبل رواد مواقع التواصل الإجتماعي، كشفت منى زكي أنه أثر بها كثيراً، "الحوار كان فظيغ والمشهد مكنش موجود في الحلقة كان مضاف، وانا من النوع اللي مبحفظش، ولحد دلوقتي لما بشوفوا بتأثر، الكلام كان شارح الاحساس في المشهد".
"لعبة نيوتن" تطرق لعدة مواضيع إجتماعية أبرزها، "الإغتصاب الزوجي"، وقالت منى زكي عن المشهد "مش من حق الزوج إنه يعتدي على مراته، لا دين ولا قانون ولا أي حاجة بتقول كده، البنت لازم يبقى عندها ثقة في نفسها، جسمها ملكها حقيقي، حتى لو اتجوزت"، وأضافت "الزواج مش معناه إن ده مش جسمها، ومش معناه إنها مبتمتلكش نفسها، لأ هي بتمتلك نفسها لغاية ما ربنا ياخدها، ومليون في المية مينفعش الراجل يعتدي على مراته، ده توافق، ولازم يبقى فيه مشاعر وحوار".
وختمت منى، "إحنا مش حيوانات، حتى الحيوانات مبيعملوش كده".
