على ما يبدو أن جمهور ينتطر مسلسل "إش إش" الكثير من الحماس، لاسيما وأن مي عمر تنتظر عرضه بفارغ الصبر.
وفي التفاصيل، أرفقت مي الذي شاركته برفقة فريق عمل المسلسل وزوجها مخرج العمل محمد سامي فيديو حماسي و هم يحتفلون مع بعضهم البعض بإنتهاء التصوير ووو قطع قالب الحلوى.
شاهد تقرير سابق لـ ET بالعربي: ديو محمد سامي و مي عمر يعود من جديد
وبدا واضحا أن الأجواء التي غلبت على التصوير ، كانت أجواء ودية و مليئة بالذكريات الجميلة التي سيحملها كل واحد منهم بعد انتهاء التصوير.
وكتبت مي على الفيديو : " مستنية بفارغ الصبر تشوفوا إش إش وأتمنى توصل ليكم مشاعرنا بنفس القوة اللي حسيناها".
وتوجهت بالشكر لكل شخص ساهم بانجاح العمل قائلة: " شكراً لكل واحد كان جزء من الحلم ده! و بوعد الجمهور إن شاء الله هيتفرجوا علي مسلسل متعوب علي كل شوط فيه ، مسلسل إش إش بإذن الله هيكون مسلسل بيحترم ذوق الجمهور".
ولاقت مي صعوبة خلال توديعها لشخصيتها التي قدمتها بالعمل، قائلة: "حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح. حبيت كل لحظة قضيتها وأنا بجسدها، وحاسة إن جزء مني هيفضل معاها دايماً، وهيوحشني كل تفصيلة فيها بجد".
مي عمر لممثلي "إش إش": وجودكم خلّى التجربة دي ممتعة
وتوجهت مي بالشكر لكل شخص شاركها رحلتها في العمل وكتبت: "شكراً من قلبي لكل حد شاركني الرحلة دي، من الممثلين اللي كانوا أحلا عيله و أحلا صحاب . بجد، كنا عيلة واحدة، نضحك سوا، نتعب سوا، وندعم بعض طول الوقت، شكرًا لكل واحد فيكم، على كل لحظة ضحكنا فيها، وكل موقف وقفنا فيه جنب بعض."
وأضافت: "وجودكم خلّى التجربة دي ممتعة، وخلاني أحس إني فعلاً محظوظة بالشغل مع ناس زيكم، مش هنسى الذكريات الحلوة دي أبداً، وهيوحشني كل حد فيكم".
وتابعت شكرها لفريق العمل قائلة: " شكرا لكل فرد من فريق العمل اللي اشتغل بإخلاص عشان يطلع العمل ده بأحسن شكل، فريق العمل في إش إش كان سر نجاح كواليس التجربة دي".
وقالت أيضًا: "كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل.. بجد، ما حسيتش إني لوحدي لحظة، كلنا كنا إيد واحدة ودايمًا بنسند بعض.شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم".
ولزوجها محمد سامي مخرج العمل قالت: "محمد سامي ، شكرًا ليك على صبرك وعلى نظرتك اللي كانت دايمًا بتشوف التفاصيل اللي ما حدش غيرك كان ممكن يلاحظها".
وتابعت: "شكرا إنك بتعرف ازاي تخرج مننا أفضل ما عندنا و على إبداعك و توجيهك في كل مشهد، شكرًا إنك كنت قائد حقيقي لينا وخلّيت إش إش يبقى تجربة ما تتنسيش".
