أعلنت نبيلة عبيد عن برنامجها الإذاعي "مع نبيلة" الذي ستتناول فيه مسيرتها الفنية منذ البداية، وذلك في مداخلة مع برنامج "كلمة أخيرة" الذي تقدمه لميس الحديدي.
وقالت نبيلة عبيد "حيكون من البداية، من بدايتي وأنا صغيرة خالص، من أول ما فتحت عينيي وأنا في المدرسة، وازاي رغبتي في السينما وازاي مرواحي للسينما اللي كانت جنب البيت"، ولفتت إلى أنها كانت تقوم بزيارة أي مكان يتواجد فيه صالات سينما، وكان همهم الوحيد كيف تصبح ممثلة.
وتابعت "لغاية ما ربنا وصلني والتقيت بالمخرج عاطف سالم وبعدين التقيت اللي أنا لا بد اني اعترف بمجهودهم معايا اللي وقفوا جنبي، زي المخرج والمنتج الكبير حلمي رفلة والناس اللي وقفوا جنبي وشركات التوزيع زي بتاعت دولار فيلم.. والناس الكبار كل دول.. إزاء عملت رابعة العدوية وازاي بديت رابعة العدوية وازاي عملت التيست عليه.. كل ده في ناس كتير ما تعرفوش وما عندهاش فكرة أبداً"، ولفتت إلى الفترة التي كان يتطلبها تحضير النجم أو النجمة من أجل دور سيؤديه.
وتحدثت عن ثاني أفلامها الذي شاركت فيه إلى جانب عمر الشريف، وقالت "بعدين تاني فيلم ليا يكون مع عمر الشريف بعد ما عمل لورنس ورجع على مصر، دي خطوة كبيرة.. وأول فيلم كان بصوت أم كلثوم.. كل الحاجات اللي تقدمتلي دي لا بد ان أقول عن الناس وقفوا جنبي اللي علموني.. اللي علمني الالقاء واللغة العربية كان فاخر فاخر، اللي علمني المرحلة بتاعت التصوف وحبها والمناجاة بتاعت الله.. كل ده اللي علمهولي إبراهيم عمارة.. كل دول كان تحضير لنجمة علشان تستمر لغاية الوقت اللي احنا فيه".
"تنازلات وتضحيات"
عن سبب اختيارها تقديم برنامجها الخاص من خلال الإذاعة، تقول "الكلام ده من ثلاث سنين، جت الفرصة دلوقتي. أنا وأنا بحكي بتكلم بتلقائية وبطبيعية.. ممكن أروح طالبة واحدة صاحبتي في التلفون أقولها اليوم اللي عملنا في كذا وكذا، تقوم رايحة عاملة مداخلة معايا".
كما تحدثت عن أول صديقة لها في حياتها وتُدعى ليلى، وكانت مستمعة دقيقة لها، ولفتت إلى أنها ستجري مداخلات في برنامجها. وأكدت بأنها بدأت بتسجيل البرنامج، لافتةً إلى أن أجواءه جميلة. وأشارت إلى أنه يشاركها في البرنامج محمد عبد العزيز والمخرج محمد تركي.
ورداً على سؤال حول تضمين البرنامج معلومات عن نبيلة الانسانة، قالت "في تناولات عملتها نبيلة الانسانة، تنازلات كتيرة جداً وتضحيات وفي حاجات دخلت فيها واضطريت أخرج منها.. يعني حتلاقي مشوار طويل أوي بعدين في وقفة بالنص بقى ازاي أنا عملت كده غلط، لازم أرجع للصح تاني.. وقفة مع نفسي وإعادة دراسة من أول وجديد وازاي التقيت بإحسان عبد القدوس"، وستتحدث في هذه الوقفة عن مسيرتها مع روايات إحسان عبد القدوس.
