حل أحمد السقا وباسم سمرة ضيوف أولى حلقات برنامج "رامز جاب من الآخر" المعروض على قناة "MBC مصر" ومنصة "شاهد"، وتصدرت الحلقة الترند بعد هجوم باسم سمرة على نيللي كريم وزوجها هشام عاشور.
وقال باسم سمرة عند سؤال رامز جلال عن تصريحاته السابقة أنه من قام بتعليم نيللي كريم التمثيل في مسلسل "ذات": "صرحت قبل كده إني علمت نيللي كريم التمثيل وده بسبب إن أنا ونيللي كنا هنشتغل مع بعض في عمل فني، بس اتجوزت وجابت زوجها يمثل مكاني، زوجها بتاع اسكواش بس كان عايز يمثل فخدته مكاني في العمل ده".
ورد هشام عاشور في تصريح خاص لـ "ET بالعربي" على باسم سمرة قائلاً : ده راجل طيب أنا مبزعلش منه لكنه بيقول أي كلام لأنه إتزنق في السؤال راح مخبط ، هو فين الدور ده أنا مباخدش دور تاني أو تالت أنا باخد دور سابع ففين الدور ده؟".
واستكمل : "والوقت اللي باسم سمرة بيتكلم عليه ده أنا مكونتش لسه أعرف نيللي كريم أنا كنت عايش ومقيم في أمريكا وقتها".
ويشارك باسم سمرة هذا الموسم في بطولة مسلسل "العتاولة" مع أحمد السقا، طارق لطفي، زينة، مي كساب، سامي مغاوي، هدى الاتربي، حنان يوسف، وعدد من الفنانين، ومن إخراج أحمد خالد موسى، بينما تشارك نيللي كريم في رمضان بمسلسل فراولة من تأليف محمد سليمان عبد المالك، وإخراج محمد على وإنتاج أحمد دسوقى، ويشاركها البطولة كل من شيماء سيف، صدقي صخر، أحمد فهيم، علا رشدي، حجاج عبد العظيم، دنيا سامي، توني ماهر وعدد كبير من ضيوف الشرف.
