في أول تعليق له على أزمة حذف طارق العريان لأغنية "60 دقيقة حياة" والتهديد بحذف أغاني أخرى، تحدث أنس نصري عن الخلاف والسبب في ما وصلت إليه الأمور بين الزوجين السابقين.
أنس نصري عن حذف طارق العريان لأغنية أصالة: "واثق ومتفائل إنو رح نحلها"
أنس كشف لـET بالعربي عن السبب وراء حذف الأغنية فقال : "هو تراكمات، مجموعة أزمات، كان السبيل الوحيد لحل الأزمات هو إنتهاز تلك الثغرة".
وشرح نصري بأن طارق لا يريد تلك الأغاني، لكن هي في الأساس لأصالة، فحتى لو تم حذفها من المنصة لكنها ستبقى في قلوب وأذهان الناس.
تابع أنس حديثه كاشفاً أن الأمور مُتجهة نحو الحلحلة فقال: "نحنا كنا عم نعمل هيدا الشي والشغل كلو لـ أولادنا، وعنا أولاد مشتركة، وأعتقد هي حركة لحل أزمات كاملة، وانا متفائل انو ان شاء الله مش رح نروح لمحاكم ولا قضية، الموضوع رح ينحل بشكل ودّي، لأنو المحبّين كتار، ويلي بيربطنا والأشياء الحلوة كتيرة تخلينا نتجاوز هذه الأزمة ببساطة".
وعن تعليق طارق العريان وتبريره سبب قراره بحذف الأغاني قال أنس : "كان في مفاوضات ودية على مدار السنين لي مضت، وما كان في جدية بحلها، هلأ نحنا لازم نحلها بشكل جدّي لأنو شايفين الطرف التاني عم ياخد خطوات مش لطيفة، فأعتقد رح نحلها بأسرع وقت".
ثم أكمل : "أنا بقعد طبعاً مع طارق، اجتمعنا كذا مرة على مدار الـ4 سنوات، من أجل هذه الأزمات ولأشياء أخرى، لأنو هو أبو علي وآدم وعنا أشياء كتير نقعد ونحكي فيها، بس ما كنا عم نوصل لحلّ لهيدي الأزمات، بس هلأ انا واثق ومتفائل جداً انو رح نحلها ان شاء الله".
وعن صولا ودعمه لها بعد حذف أغنية "60 دقيقة حياة" قال : "القصة مش موضوع أغنية انشالت، القصة بتتعلق بأغنية وتعب ونجاح الأحق فيه الأول والأخير هي صولا، مش من حق أي حدا إنو يزعزع هذا النجاح والمجهود يلي نتيجتو كانت هيك ومن بعد كل هالسنين".
وختم أنس حديثة بكلمة وجهها لشقيقته وطارق فقال : "ما حدّش واخد منها حاجة، دنيا بسيطة، والحياة صغيرة".
شاهد تقرير سابق : نيكول سعفان وآدم يدعمان طارق العريان في ولاد رزق 3
