في حديث لـ ET بالعربي، كشف الشامي عن ورشة تحضيرات مكثّفة لتعاونات مرتقبة خلال عام 2025، واصفاً هذه السنة بأنها “برعاية الأعمال المشتركة اللطيفة”.
ومن أبرز هذه المشاريع، تعاون مع ملحم زين، حيث أكد الشامي أن لحناً جديداً سيُقدَّم ضمن ألبوم ملحم المقبل، مع احتمال وجود عمل مشترك لاحقاً:“صحيح، وممكن كمان يكون في عمل مشترك بينا بالمستقبل، إن شاء الله عم نحكي فيه.”
أما عند سؤاله عن تصريح أصالة الأخير، حين قالت:“خليه يلحن لي، بلغي منغنيها سوى!”
فعلّق الشامي قائلاً:“أكيد سمعت، وأصالة فنانة كبيرة من بلدي وبشرّف فيها. عم بشتغل على الموضوع، لأنها حالة فريدة ومميزة، وبحاجة شغل يليق فيها. أول ما يجهز العمل، بوعدكم رح تحبوه.”
وتابع بحماسة ملمّحاً إلى أن الأمور قيد التنفيذ:“أكيد لا شك، أصالة تطلب عمل؟ ما يجهز؟ مستحيل!”
وعن الأسلوب الموسيقي المتوقع، قال:“أنا مرحّب بالتنين، إذا بدها كلام ولحن بعيوني، وإذا عبالها ديو، كمان بعيوني.”
وعن تواصل مباشر مع أصالة، أوضح الشامي: “صراحة، ما صار شي مباشر بعد، بس إن شاء الله رح يصير، لأنها دائماً تحتضن فناني بلدها الجدد وأنا بحترم أساتذتي.”
في ختام اللقاء، كشف عن مشاريع أخرى مع نجوم عرب، من بينهم نجم مصري كبير وآخر مغربي “مهم وبحبه كتير”، مؤكداً: “رح تحبوهم، إن شاء الله.”
