مازالت شيرين عبد الوهاب ترد على أسئلة جمهورها بكل تلقائية وعفوية وصراحة والتي تلاقي تفاعلًا مميزًا من متابعيها.
وآخر الأسئلة التي جاوبت عليها من خلال ستوري حسابها الرسمي على انستغرام، كانت حول الأغنية التي ندمت عليها ، ويبدو أن ردها كان مفاجئ للبعض عندما قالت أن أغنية "متجرحنيش" التي قدمتها عام 2013 هي التي تندم عليها.
وهذا التصريح دفع بشاعر الأغنية بهاء الدين محمد للرد عليها وقال عبر الفيسبوك: "مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!".
وبعدها لخص بهاء الدين محمد الأغنية في 4 مشاهد وكتب: "المشهد الأول أول يوم دخلت #شيرين_عبدالوهاب مكتبى كانت مع الأستاذ #نصر_محروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!، والمشهد الثانى رشحتها تغنى #كتير_بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة".
وأضاف بهاء الدين محمد: "المشهد الثالث لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول المشهد الرابع والأخير أغنية #ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . وماتجرحنيش من أهم أعمالى ومن حقى أدافع عنها نتاج تهور اللى غنيتها وكمان لأول مره ألاقى حد بيحارب نَفسه وبيغلط ف مبدعين إشتركوا ف صناعته !!!".
وختم بهاء الدين محمد حديثه قائلا: "وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم".
ورد عدد كبير من الشعراء على ما كتبه بهاء الدين فكتب تامر حسين: "أستاذنا وكبيرنا عبقرى العباقرة هو احنا عندنا كام بهاء الدين محمد ؟ تاريخ عظيم وإستمرارية لحد يومنا وانا الحقيقة معرفش ده رد شيرين بنفسها والا حد من ادارة ال سوشيال ميديا ويمكن خانها التعبير او ماتقصدش العمل الفنى لانها اغنية قيمة كلام ولحن وتوزيع وخاطرك كبير عندنا كلنا أستاذنا ولا تزعل نفسك أكيد شيرين مايرضيهاش يوصلك الإحساس ده ( ياتاريخ ) ياحبيبى واغانيك العظيمة لو كتبتهالك ف بوست مش حانخلص".
أما خالد تاج الدين فكتب: "يا بوب يا كبير متزعلش نفسك ولو عبد الوهاب نفسه زعلك نصحيه يعتذرلك"، وكتب مينا عطا: "استاذ الأجيال كلها كدة كدة و على اى وضع والله ".
