بالتزامن مع طرح ألبوم "حبيتِك"، كشف عدد من الشعراء المشاركين في العمل عن كواليس تعاونهم مع عمرو دياب، معبرين عن سعادتهم بالمشاركة في الألبوم، ومؤكدين أن العمل مع الهضبة يحمل مكانة خاصة في مشوارهم الفني.
أمير طعيمة: عمرو دياب نقطة انطلاقتي
وقال أمير طعيمة لـ ET بالعربي: "ببارك للهضبة على الألبوم وعلى المجهود الكبير اللي عمله، وأنا شاهد عيان على اللي عمله. الفترة الأخيرة رجعنا نتعاون بقوة بعد "العالم الله" و"اللي أنا حبيته"، والسنة اللي فاتت كنت موجود في "بحبك ملاك"، والسنادي موجود في "حبيتك" و"وأنا معاك".
وأضاف: "كل مرة بشتغل مع الهضبة بتبقى حاجة سعيدة ليا، مهما الواحد اشتغل سنين، لأن الهضبة ليه مكانة خاصة. هو كان نقطة انطلاقتي سنة 2000 لما اشتغلنا مع بعض في "العالم الله" و"أعمل إيه"، ومبسوط إننا لسه بنعمل حاجات حلوة مع بعض تعجب الناس. الهضبة رقم صعب في الأغنية المصرية والعربية، ودايمًا بيدينا الحافز إننا نقدم جديد.
منة القيعي: أتمنى أشارك مع الهضبة كل عام
ومن جانبها، كشفت منة القيعي عن مشاركتها في الألبوم، وقالت لـ ET بالعربي: "أنا مشاركة في الألبوم بأغنية "المفضل"، ألحان محمد يحيى وتوزيع عادل حقي، وده يعتبر التعاون الثالث بيني وبين الهضبة، وإن شاء الله كل سنة يبقى ليا نصيب وأشتغل معاه".
مصطفى حدوتة: أنا أكثر شاعر شارك في الألبوم
أما الشاعر مصطفى حدوتة، فأكد لـ ET بالعربي أنه الأكثر مشاركة في ألبوم عمرو دياب هذا العام، قائلًا: "أنا أكتر شاعر اشتغل في ألبوم عمرو دياب السنة دي، مشارك بـ3 أغاني، وكل الشعراء داخلين بأغنية أو اتنين".
