أعربت علياء بسيوني خلال لقاء مع et بالعربي عن سعادتها الكبيرة بعد فوزها بجائزة أفضل مديرة أعمال لمطرب، وذلك بحفل توزيع الجوائز الميما، رغم بدايتها الحديثة في المجال.
وقالت علياء لـ ET بالعربي: "أنا بدأت الشغل ده في شهر 2 ولسه بفهم كل حاجة وبسأل في كل حاجة.. يعني لسه في الأول، بس أنا بجتهد. مش معنى إني لسه بادئة إن الموضوع واخداه كده وخلاص. كنت مبسوطة إن الناس شايفاني أستاهل حاجة زي دي، ولما لقيتها فوتينج قولت خلاص.. ميرسي للناس."
وعلّقت على غياب زوجها أحمد سعد عن الحفل قائلة: "طبعًا كنت نفسي يكون معايا، هو معايا وأنا معاه في كل الأوقات. هو تعبان شوية الأيام دي وبيلبس حزام وبيعمل بين كيلرز، بس مش قادرين نلغي أي التزامات."
وفي تصريحات سابقة لأحمد سعد حول دور علياء معه، أكد دعمها الدائم له قائلاً: "والله عليا بصراحة حبيبة قلبي.. أنا مبهدلها، وكل اللي أنا فيه هي شايلة معايا. وأنا دايمًا بقول إن وراء كل رجل عظيم امرأة، مش لأنها بتنزل تغنّي مكانه، لأ.. لأنها بتخليه نازل بشكل مختلف، وده اللي عليا عملته معايا."
وفيما يتعلق بتأثيرها على عمله، أضاف سعد: "لما تبقى حاطة حاجة في دماغها محدش يقدر يغيرها، وخلّتني أبقى زنّان على مصلحتي."
أما علياء، فكشفت عن دورها في تطوير شكل عمل أحمد سعد:"اختيارات الأغاني اختياراته طبعًا، بس عندي فيجن في حاجات معينة. أحمد دايمًا شغال على الميوزك والكريتيف، وأنا بتولى كل اللي حواليه.. بجيب له التيم المظبوط، بنشتغل على الستراتيجيز صح. بذاكر، وبسأل، وبعمل كل حاجة."
