كشفت لجين خليفة، بطلة كليب لولا البنات، حقيقة ما حدث بينها وبين عمرو دياب خلال حفله الأخير عند الأهرامات، بعد تداول مقطع فيديو ظهر خلاله الهضبة وهو يطلب منها عدم الرقص معه، قائلًا: بلاش مشاكل.
وقالت لجين خليفة لـ ET بالعربي إن الموقف لم يكن يحمل أي إحراج أو إساءة لها، موضحة: لما الأغنية اشتغلت الناس بدأت تسأل عليا، فهو قال أهي موجودة وقالي تعالي، بس مش هنرقص المرة دي هنحيي الجمهور بس.
وأضافت: لما دخلت الناس اتحمست إنه يعيد الأغنية ونرقص زي حفلة امبارح، فقالي لا مش هنرقص المرة دي، آخر مرة حصلت مشكلة في الكلية.
لجين خليفة: عمرو دياب كان مرحب بوجودي
وأكدت لجين أن عمرو دياب كان مرحبًا جدًا بوجودها وسعيدًا بحضورها، قائلة: هو كان مرحب جدًا بوجودي وقال كانت فلاحة دلوقتي بقت دكتورة، وكان فرحان بوجودي، فالموضوع مكنش فيه حاجة وحشة، كان لطيف وجميل.
وأشارت إلى أن هذا الموقف ليس الأول من نوعه، موضحة: دي مش أول مرة تحصل، كان حصل حفلة في الساحل بعد التعاون في حفلة الـU Arena، والناس سألت عليا قالهم لا مش موجودة المرة دي.
لجين خليفة: مبسوطة إن الناس بدأت تربط الأغنية بيا
وعبرت لجين خليفة عن سعادتها بتفاعل الجمهور معها وربط اسمها بأغنية لولا البنات، قائلة: أنا مبسوطة جدًا إن الناس بدأت تربط الأغنية بيا، كل ما تشتغل يفتكروني وعايزين يسلموا عليا.
