كشف محمد عساف كواليس تعاونه مع سانت ليفانت في أغنية "مسكّرة"، متحدثاً عن سبب تردده في البداية قبل غناء الأغنية، وردود الفعل التي رافقت طرحها، إلى جانب كواليس تصويرها في مخيم الوحدات بالأردن.
لماذا تردد محمد عساف قبل غناء "مسكّرة"؟
تحدث محمد عساف عن سبب تردده قبل غناء "مسكّرة"، موضحاً أنه في البداية استغرب فكرة تقديم الأغنية، وقال: "في البداية أنا حتى حكيت لمروان بدك إياي أنا أغني مسكّرة؟ بس أقنعني بالموضوع لأنه لازم شوف، لازم تواكب، مستحيل إنك يعني اليوم طريقة الموسيقى تغيرت كثير لازم تواكب الماركت والعالم الفني اللي اليوم موجود".
وأضاف: "بحس إنه بصالحه يعني بشوف إنه الغير متوقع بحس، يمكن شوي حتى شفت الكومنتس على السوشال ميديا إنه أحلام العصر فضحكت كثير على الموضوع، حسيت إنه أثار الجدل وهذا وهذه شغلة بصراحة بتخدم العمل طبيعي".
وعن الأغنية وردود الفعل عليها، قال محمد عساف: "والله كنت متوقع صراحة هذا التفاعل وتباين الآراء حول الموضوع، أنا سان ليفانت كثير بحبه وهو ما شاء الله يعني نجم صنع حاله بشكل رهيب حقيقة عربياً وعالمياً صرت أشوف، واللي خلاني أعمل معه إنه ابن بلدي وشفت محبته يعني إلي بشكل كبير".
وتابع: "حتى هو يعني مخجلني منه بيعتبرني يعني هو كان يحكي لي أنا بعتبرك آيكون، فعنجد يعني كثير كنت سعيد إنه أنا في المشاركة معه رغم تباين الآراء بس عملنا أغنية كثير حلوة وعجبني الستايل تبعها".
محمد عساف: الـbeat كثير كثير حلو
وتحدث محمد عساف عن تفاعل الجمهور مع "مسكّرة"، قائلاً: "الـbeat كثير كثير حلو وانبسطت لأني شفت تفاعل الجمهور، مروان اللي كان بالحفلة كثير كان مبسوط على الموضوع وتباين الآراء اللي كان على السوشال ميديا والحكي الكثير يعني برضه هذا أعطاها ميزة وحاسس إن شاء الله إنها حتعمل شيء إن شاء الله هي الأغنية".
وبعد أيام على صدورها، حققت أغنية "مسكّرة" التي جمعت محمد عساف مع سانت ليفانت نجاحاً لافتاً، إذ تخطت المليونين مشاهدة على يوتيوب، إلى جانب تحولها إلى ترند على تيك توك.
محمد عساف عن جدل "مسكّرة"
ورغم نجاح الأغنية، انتقد البعض كلماتها وعنوانها، كما استغرب آخرون تقديم محمد عساف لهذا النوع من الأغاني، باعتبار أنه بعيد عن الستايل الذي عرفه به الجمهور.
وعن ذلك، قال محمد عساف: "في البداية أنا حتى حكيت لمروان بدك إياي أنا أغني مسكّرة؟ بس أقنعني بالموضوع لأنه لازم شوف، لازم تواكب، مستحيل إنك يعني اليوم طريقة الموسيقى تغيرت كثير لازم تواكب الماركت والعالم الفني اللي اليوم موجود".
وأضاف: "بحس إنه بصالحه يعني بشوف إنه الغير متوقع بحس، يمكن شوي حتى شفت الكومنتس على السوشال ميديا إنه أحلام العصر فضحكت كثير على الموضوع، حسيت إنه أثار الجدل وهذا وهذه شغلة بصراحة بتخدم العمل طبيعي".
كواليس تصوير "مسكّرة" في مخيم الوحدات
ولم يقتصر اختلاف "مسكّرة" على الأغنية نفسها، إذ صُورت في مخيم الوحدات بالأردن، بمشاركة فرقة الأجاويد، وهو ما أعطى العمل طابعاً شعبياً وبسيطاً.
وعن كواليس التصوير، قال محمد عساف: "أنا انبسطت كثير على فكرة على الموضوع يعني حتى لما مروان حكى لي إنه بدنا نصور حتى بالوحدات يعني حكيت له متأكد يا مروان أنا بالنسبة لي تمام، فهو قال لي آه ولما جاب فرقة الأجاويد كمان كثير كثير انبسطت لأنه أنا كمان بتابعهم".
وأضاف: "يعني أنا مش عايش في عالم أنا بتابع كل هاي الاختلافات حتى لأني يمكن ما عملت أعمال بهذا الشكل بس سعيد بالتجربة وإن شاء الله يعني تكون الأغنية ناجحة والناس والجمهور ينبسط فيها ويحبها".
هل يتعاون محمد عساف مع سانت ليفانت مجدداً؟
وبعدما نجح سانت ليفانت أو مروان في جذب محمد عساف إلى عالمه الموسيقي، سُئل عساف عما إذا كان بإمكانه جذب سانت ليفانت إلى اللون الموسيقي الذي يقدمه.
وقال محمد عساف: "مروان يمكن صعب يجي على جنبي أكثر ممكن، إذا بده يغني نوع الموسيقى اللي أنا بغني ممكن ما يكون سهل عليه حقيقة بحس هيك أكثر".
وأشاد عساف بسانت ليفانت وذكائه في اختياراته، قائلاً: "هو إيه كثير ذكي كثير شاطر لمعلوماتك يعني يمكن أنا عشان بعرفه بشكل شخصي كثير بيهتم بالتفاصيل وأنا بحكي لك اللي عجبني في مروان إنه ذكي في الاختيارات طريقته قديش هو بيهتم بالتفاصيل وبتحسه حابب دائما يشتغل ويعمل أشياء جديدة".
وتابع: "رغم الخلاف الفني إذا بدك بيني وبينه لكن انبسطت منه هي الشغلة ولذلك أنا فهمت هلق ليش هو قادر يعمل هذه القاعدة الجماهيرية وهاي الأرقام بصراحة فـأنا بتمنى له التوفيق وعن جد أنا بحبه كثير لمروان".
:::
