بعد غياب دام 12 عاماً، تعود دارين حدشيتي إلى الساحة الفنية بخطوة وُصفت بالمفاجأة بعد تسريب ألبومها “مش ناطرة”، الذي احتفظت به طوال هذه السنوات. وبينما ظنّ البعض أن التسريب مقصود، نفت دارين ذلك تماماً، مؤكدة أنها كانت تخطط لإطلاق الألبوم بشكل ضخم قبل وفاة مدير أعمالها.
قالت دارين في لقاء خاص مع ET بالعربي: "أكيد زعلت، لأن الألبوم كان جاهز من زمان وكان المفروض يطلع بحملة كبيرة بكل لبنان، بس يمكن الله هيك بده… يمكن الخير بهالرجعة."
الألبوم يضم 11 أغنية منوعة بين اللبناني والمصري والخليجي، وتعاونت فيه مع أسماء بارزة مثل منير بو عساف في “تاركني لمين”، حياة إسبر في “مش ناطرة”، جان ماري رياشي في “زي كل مرة”، ود. يعقوب الخبيزي في “صدقتك”، بالإضافة إلى أحمد ماضي وزياد برجي في “بعدو إلي”.
وتحدثت دارين عن نيتها التعاون مجدداً مع زياد برجي، قائلة: "زياد سمعني غنية حلوة بس قلتله منا هيت… قلتله حضّر لي شي تاني، وبعدني ناطرة."
أما عن رأيها بالموسيقى الحالية، فكانت صريحة كالعادة: "شو عم نسمع هلأ؟ موسيقى ما عم بفهم منها كلمة ولا لحن! كيف فات اللحن؟ في أغاني حلوة أكيد، بس كتير منها بلا روح." لكنها أثنت على بعض الفنانين قائلة إن راغب علامة وفضل شاكر قدّما مؤخراً أعمالاً أعادت لها الأمل بالموسيقى الجميلة.
دارين اليوم تدير أعمالها بنفسها وتنتج أغانيها دون دعم إنتاجي، وتقول بثقة: "أنا مديرة أعمال نفسي، وعم بشتغل لحالي، بس أكيد بتمنى لاقي المنتج الصح… لأنه ما في فنان بيقدر يكمل لوحده."
وفيما تتحضر لتقديم حفلات قريباً، تؤكد أنها لا تريد الوعود الفارغة: "ما بدي أوعد بشي ما أكون قدّه… بس إن شاء الله راجعين بكل شي حلو."
