كشف محمد فؤاد عن سعادته الكبيرة بردود الفعل التي تلقاها على أحدث أعماله الغنائية، مؤكدًا أن التفاعل الإيجابي من الجمهور جاء كما كان يتوقع، خاصة بعد طرح أغنيتي "في قربك" و"يا فؤش".
وقال فؤاد لـ ET بالعربي:"ردود الفعل على أغنية في قربك وأغنية يافؤش حلو جدا، وحاجة أنا متوقعها لأني اللي فات من الجمهور يبين أن محمد فؤاد لو نزل حاجة هيعملوا، هما مستنين شوية اسلحة بس عشان يعرفوا يتكلموا بجد، وسلاحنا دائما الابداع، ويلا يافؤش نزل اغاني عشان نسكت اي حد ممكن يتشعبط في اسمك بشكل خطأ".
وعن الجدل الذي أثير مؤخرًا عبر مواقع التواصل الاجتماعي، أوضح محمد فؤاد حقيقة ما تم تداوله، مؤكدًا أنه لا يمت للواقع بصلة، قائلًا:"لا خالص مفيش حاجة اعتذرت عنها، ومفيش منتج اصلا ودي الكوميديا الساخرة، ومفيش منتج عشان يتقال انا سبته ولا لا مفيش منتج اساسا، ولو في منتج بجد كان طلع قال انا منتج ياجماعة وانا حقي، بس السوشيال الميديا بقت بتضحك على الناس بسهولة جدا، وانا التزمت الصمت".
ويأتي هذا التصريح ليحسم محمد فؤاد الجدل الدائر، مؤكدًا أن عودته الفنية تعتمد في الأساس على تقديم أعمال قوية تليق بجمهوره، معتمدًا على الإبداع كوسيلة وحيدة للرد.
