"??Ready for the music video"
بهالبوست أعلنت نانسي عجرم عن كليب اغنية "الحب زي الوتر"، اللي حتنزله بالفترة المقبلة , و الاغنية من كلمات محمد رفاعي وألحان وليد سعد وتوزيع أحمد ابراهيم , و هي من ضمن ألبومها الأخير حاسة بيك اللي نزلت بمارس ال 2017 , و ال Lyrics Video الخاص فيها صار محقق للآن على يوتيوب أكثر من 11 مليون و 600 ألف مشاهدة .
هالكليب تصور من فترة مع المخرجة ليلى كنعان و بما أنه الأغنية رومانسية فأكيد حيكون الكليب بيشبهها , و بهيك بترجع نانسي للستايل اللي تعودنا نشوفها فيه دايماً , قبل ما تغير هالسنة و تروح للستايل الشبابي العصري بكليب بدنا نولع الجو , و كليب و معاك اللي تعاونت فيه أيضا مع ليلى كنعان .
ومن المعروف انه نانسي بتنجح بكل شي بتقدمه , و الجمهور حبها بالادوار الرومانسية اللي بتبرز فيها قدراتها التمثيلية مثل اللي شفناه في أشهر أغانيها مثل انت ايه ، يا سلام , و غيرهم الكثير.
و حتى لما غيرت بالستايل قدرت تتميز , فكليب "بدنا نولع الجو" قدر يحقق نجاح كبير فوصل ل20 مليون مشاهدة "يوتيوب"، بحوالي 3 شهور .
و كان سبقه نجاحها بأغنية “ومعاك” , فمع انها رومانسية الا انه ايقاعها كان غربي و هي من كلمات محمد رفاعي، ألحان محمد يحيى وتوزيع هادي شرارة وقد حققت أكثر من 5 مليون استماع عبر “أنغامي” و 11 مليون مشاهدة على ”يوتيوب” منذ طرحها رسمياً بشهر مارس الماضي.
