بعد أكثر من 29 سنة على أوبريت "الحلم العربي"، العمل اللي جمع 22 نجم من مختلف الدول العربية سنة 1996، رجعت التساؤلات حول إمكانية تكراره في ظل الأوضاع الصعبة اللي بتمر فيها المنطقة.
راغب علامة صرّح إن العمل كان "تجاري"، لكن د. مدحت العدل، كاتب الأوبريت، ردّ عبر ET بالعربي وقال: "ما في مشكلة يكون العمل تجاري ويلو قيمة بنفس الوقت... نحنا هدفنا دايمًا يوصل للناس."
عمر العبداللات، الذي كان من أوائل المشاركين في النسخة الأصلية، أكد إن المشروع ما كان فيه أي أهداف مادية، وإن الفنانين "غنّوا من القلب"، وكانوا فعلاً يتهاوشوا على الأدوار بحماس كبير.
النسخة المختصرة من "الحلم العربي" كانت قد عادت السنة الماضية بمشاركة فنانين منهم عمر العبداللات وأحلام، بدعم من "صنّاع الأمل" التابع لمبادرات محمد بن راشد آل مكتوم.
فهل هناك نسخة جديدة قيد التحضير؟ مدحت العدل قال: "نحلم نعمل أوبريت جديد نرجّع فيه صورة السلام من خلال الفن، ونقدّم حالنا كعرب بصورة إنسانية واحدة... الله واحد، والبشر كلهم واحد."
وختم كلامه بتأثر كبير عن الوضع في غزة: "نقول هالكلام وقلوبنا تقطر دمًا على أطفال غزة."
