بعد تعرض أحمد سعد لانتقادات واسعة عبر السوشيال ميديا نتيجة الصورة التي شاركها له برفقة الشيخ مصطفى حسني من داخل المسجد، وبعد أن علّق الكثيرين على الوشم الموجود على ذراعيه.
قام اليوم أحمد بالردّ على منتقدي صورته بالتقاط صورة جديدة مع الشيخ مصطفى عبر حسابه على "إنستغرام" حيث حرص على اخفاء الوشم عن ذراعيه معلقًا "الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة ، حكم الناس وتعليقاتهم كان هجومي جدا وكأن الجنه والنار اجتمعوا مع بعض في صورة واحده".
وتابع "قد ايه فرحني الشيخ مصطفى حسني لما قابلته الجمعة دي كمان وسألته اوعى تكون التعليقات ضايقتك ولو حابب اشيلها ، قالي ازاي بتقول كدة ! انت صحبي وحبيبي ويلا ناخد صورة كمان".
وأضاف "بيفرق أوي ان يكون في ايدك تكتب تعليق يجرح و يضايق حد وانك يكون في ايدك كلمه حلوة تفرح بيها حد حتى لو مختلف عنك".
وختم أحمد كلامه "شكراً يا شيخ مصطفى حسني على انفتاحك وتقبلك للآخرين زي ما هم وده دليل كبير اوي انك حقيقي وان المواعظ والمحبه اللي بتتكلم عنهم في خطبك حقيقي مش كلام بس ، وياريت كلنا نتعلم نتقبل الآخرين او على الأقل ما نجرحش فيهم لمجرد اختلافنا عنهم وان علاقتنا بربنا شيء خاص جداً".
