خلال افتتاح الدورة العاشرة من مهرجان شرم الشيخ للمسرح الشبابي، خطفت لحظة تكريم إلهام شاهين الأضواء باعتبارها أبرز محطات الحفل، حيث عبّرت عن تأثرها وسعادتها وسط حضور كبير من نجوم مصر والوطن العربي. وقالت إلهام شاهين لــ"ET بالعربي": "فرحانة فرحة كبيرة جدا أنا جنبي هالة سرحان وصابرين ويسرا وبعد يومين جاى هالة صدقي وبعدها هاني رمزي فأنا فرحانة جدا أن دي فعلا دورة مميزة وفيها عدد كبير من النجوم والنجمات".
وبكت إلهام شاهين أثناء وقوفها على المسرح وقالت: "ميرسي لكل النجوم اللي موجودين معايا النهاردة تعب السنين ماراحش هدر، و45 سنة عدوا معرفش عدوا أمته وازاي، وصابرين قالتلي قولي أنا مثلت وأنا عندي سنة، أنا مكنتش بروح البيت بين المسرح والتليفزيون والمعهد وكنت بنام ساعة أو ساعتين في اليوم داخل المسرح الحقيقة أن احنا جيل تعب جدا في البدايات وبقول أن تعبي وصلني لمرحلة ومكانة أن يبقى في دورة لمهرجان مسرحي باسمي أعتبر ده تتويج لمسيرتي".
وتحدث أيضا عدد من الحضور ومن بينهم صابرين وقالت: "شكرا جزيلا للتكريم والدورة باسم إلهام واحنا كلنا جايين علشان خاطر إلهام بجد، أما يسرا فقالت: "سعيدة جدا جدا أن الست دي بتتكرم لأنها تستاهل التكريم لأنها صديقة عمر وفيها بينا عُمر كبير أوي".
أما هالة سرحان فقالت: "سعيدة بوجودي النهاردة علشان إلهام شاهين وطبعا كان لازم كلنا نيجي ونكون جنبها وبقولها ألف مبروك يا إلهام".
