اليوم الرابع من عرض المسرحية الموسيقية كلو مسموح ، شهدت حضور عدد من النجوم الذين حرصوا على دعم كارول سماحة، وعلى رأسهم إليسا، سيرين عبد النور، و جورج خباز، في خطوة تؤكّد المكانة المميزة التي تحتلّها كارول على المسرح اللبناني.
إليسا: "كارول الوحيدة اللي بتقدر تعبّي على المسرح"
عبّرت إليسا عن إعجابها الكبير بالعرض قائلة: "أول شي إنّه مش بس تشجيع إلها إنّه عم نحضر musical قليل ما بينعمل، وهيدا الشي حلو إنّه بلبنان عم ينعمل. وبالنسبة لكارول، يمكن الوحيدة اللي بتقدر تعبّي على المسرح، بنت مسرح كارول. I’m so proud of her، وقادرة تفصل وعم تعطي شيء كثير حلو، وكل الـ cast صراحة كثير حلو".
سيرين عبد النور: "ضحكتني من قلبي"
من جهتها، لم تخفِ سيرين عبد النور تأثّرها بأداء كارول، وقالت: "أول شي بدي قول إنّه هي المسرحية اسمها كلو مسموح، بس مش مسموح أبداً قدي هي قوية على المسرح ورائعة – بكل شي – بصوتها live مع الفرقة الموسيقية كمان، مع كل الـ equipe، الرقص... منعرف هيدا الشي كثير صعب. وتمثيلها، قدي حبيتها بالكوميدي! يعني ضحكتني من قلبي، حتى نغمة صوتها بالكوميدي رائعة. بحبها قد الدنيا وأنا كثير مبسوطة فيها، وبتمنّى من بعد ما تخلص برمتها، إنشالله بترجع بتقدر تعملها مرة تانية لحتى كل العالم تشوفها".
جورج خباز: "فنّانة مسرح من الطراز الأوّل"
أما جورج خباز فأشاد بمستوى العمل بشكل عام، قائلاً: "عمل رائع جداً جداً من كل النواحي، تمثيل، إخراج، أوركاسترا بتاخد العقل، الموسيقى، الرقص... بس بحب أخصّ بذكر كارول على هالمهنيّة وعلى الشغل الرائع. يعني شهادتنا مجروحة بكارول، فنّانة مسرح من الطراز الأول، شاملة وبكل للكلمة من معنى – غناء و رقص".
عن مسرحية كلو مسموح
بعد النجاح الذي حققته مسرحية "شيكاغو" بنسختها العربية، يعود روي الخوري ليقدّم النسخة المعربة من المسرحية العالمية الحائزة على جوائز "Anything Goes"، في عرض يُشكّل عودة كارول سماحة المُنتظرة إلى المسرح، حيث تغني وتؤدي وترقص بشخصية ياسمينا الكوميدية. ويشاركها البطولة نخبة من النجوم مثل روي خوري، فؤاد يمين، جوي كرم، دوري السمراني، نور حلو، ريجينا سيمونيدس، شربل سمور، ونازيه يوسف، حيث تتشابك القصص الكوميدية والرومانسية في أجواء مليئة بالحياة والضحك. العرض يُقدَّم ضمن ديكور ضخم وأزياء فاخرة، بمرافقة أوركسترا حيّة بقيادة إيليو قلاسي، وأكثر من 20 راقصاً على الخشبة.
تقرير من ET بالعربي: ما علاقة سينتيا كرم وسارة أبي كنعان بمسرحية كارول سماحة؟
